Ғалымдар Сауд Арабиясында “тозақ қақпасын” таптық деп жар салды (фото)

Сауд Арабиясының орталығындағы Хайрат Хайбар облысында шамамен 400-ге жуық түсініксіз құрылым табылған, ғалымдар оған “тозақ қақпасы” деген атау беріп те үлгерген.

Ғалымдар бұл құрылымдардың мың жыл бұрын салынғанын анықтадық деп отыр.

“Қақпалардың” көбісі спутниктен түсірілген суреттерге сараптама жасау арқылы табылған. Кейбір құрылымдар ертеде сөнген жанартаудың жанында орналасқан, деп жазады islam.kz

Бұл жерлерде су болмағандықтан, өсімдіктер мүлдем өспейді екен. Осы дерек археологтардың “тозақ қақпасы” деген атау беруіне себепші болған.

Бұл құрылымдар ғаламшардағы ең ежелгісі болып саналады. Олардың қатты заттардан құралғанын байқауға болады. Алайда ғалымдар “қақпаның” қалай жұмыс істейтіні туралы ештеңе де тіс жарып айта алмады.

Кең “қақпалардың” жанында тағы бір кішігірім құрылыстар бар, олар жануарлар үшін салынған болуы мүмкін екені айтылады.