Елімізде бір күнде 158 науқас коронавирустан қайтыс болды

ҚР Денсаулық сақтау министрлігі коронавирустан көз жұмғандарға қатысты соңғы мәліметті жариялады, деп хабарлайды Stan.kz ақпарат агенттігі. 

5 тамыз күнгі мәлімет бойынша, Қазақстан аумағында 128 адам – коронавирустан, тағы 30 адам – коронавирус пневмониясынан көз жұмған. Ең көп пациент өлімі елорда мен Атырау облысында тіркелген – 18 адамнан, Шымкент қаласы мен Қарағанда облысында 17 адамнан қайтыс болған.

Еске сала кетсек, КВИ+, КВИ- шалдыққандардың арасында: 1 871 адамның жағдайы ауыр, 416 пациенттің жағдайы өте ауыр, 191 науқас ӨЖЖ аппаратында жатыр.