Бүгін Димаш қатысатын “Singer-2017” байқауының финалын қайдан көрсе болады?
Димаш Құдайбергенов қатысып жатқан Қытайдағы “Singer-2017” байқауының финалын бүгін “Хабар” телеарнасы тікелей эфирде көрсетеді.
Бұл туралы Sputnik Қазақстан хабарлайды.
“Хабар” телеарнасы Қытайда өтіп жатқан “Singer-2017” байқауының финалын сағат 22.00-де көрсетеді. Сонымен бірге ән додасы Алматыдағы “Mega Alma-Ata” және Астанадағы “Mega Silk Way” ойын-сауық орталықтарындағы үлкен экрандарда көрсетіледі.
Бұған дейін хабарланғандай, Димаш ақтық сында белгілі қытайлық әнші Шан Венжемен бірге өнер көрсетеді. Әншілер Майкл Джексонның репертуарынан попурри орындамақ. Қазақ әншісі Димаш Құдайберген “Singer-2017” байқауы барысында Қытайда аса танымал болды.
Ол жақында “17th Top China Music Awards” шарасында “Халықаралық деңгейдегі танымал әнші” жүлдесіне ие болды. Ал бұған дейін Димаш Азиядағы ең беделді China Top music Awards сыйлығының “Азияның ең танымал әншісі” номинациясында жеңіске жеткен болатын.
Осыған дейін Димашты Қытай жұртшылығының ерекше қолдап жатқанын айтқан едік. Сондай-ақ, Димаш сайыс алдында сұхбат беріп, өз пікірімен бөліскен.
Оқи отырыңыз:
Бибігүл Төлегенова Димашқа сәттілік тілеп батасын берді (видео)
Тыңдармандар Серіктің жары Айнамкөздің жүкті екенін байқап қалды (фото)
Өнер әлемінің “қаймақтары” Гүлзира Айдарбековаға не сыйлады? (фото, видео)