Атыраулық кәсіпкер Баян Есентаевамен байланысы бар екені туралы ақпаратты жоққа шығарды

Жексенбі, 18 Қыркүйек , 2016 13:27

Ғаламторда таяу арада продюсер Баян Есентаеваның бұрынғы күйеуімен арасында болған жанжал оның танымал атыраулық кәсіпкер, NSS (“НефтеСтройСервис”) компаниялар тобының қожайыны Ибрагим Ақдрашевпен ара қатынасы бар болуы салдарынан орын алды деген ақпарат пайда болды.

456576867

Бұл қауесетті Ринат Бектасұлы деген пайдаланушы таратқан, ал содан кейін осынау тексерілмеген мәліметті кейбір ақпараттық порталдар мен республикалық газеттердің сайттары жариялауға асықты.

11111

Алайда кейінірек ол өз парақшасындағы осы постты жойып тастаған, деп хабарлады “Ақ Жайық” басылымы.

Дегенмен де, тілшілер Ибрагим Ақдрашевтің өзіне хабарласты. Ол ахуалға былайша комментарий берді:

«Бұл жарияланымдардың барлығы – мүлдем өтірік, мен Баян Есентаевамен таныс емеспін. Тіпті өмірімде оны бетпе-бет көрген де емеспін. Мен бұл лас қауесеттерге мән бермес едім, алайда Есентаеваның өмірінде сұмдық отбасылық трагедияның орын алғаны белгілі. Бұған басқа қазақстандықтар секілді, мен де тек аяушылық пен шынайы тілектестік білдіре аламын. Мен туралы жалған ақпараттың таралуына келер болсақ: бұл бірінші рет орын алып отырған жоқ. Айтпақшы, жала жапқаны үшін бірнеше жыл бойына мұндай іспен әлденеше рет айналысқан екі адамға қатысты қылмыстық іс қозғалды. Және соңғы шыққан жалған жарияланымға қатысты мәселемен де біздің заңгерлеріміз айналысуда».

Ал бұл уақытта қауесеттің кеңінен тарағаны соншалық, Фейсбук қолданушылары Ибрагим Ақдрашевтің өзінің жеке парақшасын комментарийлерге толтырып тастады. Басым көпшілігі, мұны бәсекелестер мен қастық ойлаушылардың ісі деп есептейді.

NSS компаниялар тобының заң департаментінің бастығы «АЖ» тілшісін танымал кәсіпкерді әшкерелейтін ешқандай да бейнежазбаның жоқтығына сендірді:

«Бәрі тынышталсын, мұндай бейнежазба жоқ. Егер менің бұған 100 пайыз сенімді екендігім аз болса, заңгер ретінде 300 пайыз беремін! Менің өтінішіммен біздің алматылық адвокат осы жалған ақпаратты жариялаған республикалық газеттердің бірінің редакциясын іздеп тапты. Редакция жатақхана ғимаратында орналасқан, сенбі күні журналистердің ешқайсысы болмады. Қас қылғандай, басқа БАҚ-тарда да осындай жарияланымдар демалыс күндері қарсаңында шыққан. Дүйсенбі күні мән-жайын анықтап, теріске шығаруды талап етеміз».

Естеріңізге салсақ, 10 маусымда Баян Есентаева пышақ жарақатымен ауруханаға түскен еді. Қылмыс жасады деген күдікпен оның күйеуі Бақытбек Есентаев ұсталды. Бұдан бұрын оған «Денсаулыққа ауыр зиян тигізу» деп аталатын ҚК-тің 106-бабы бойынша айып тағылған болатын. Содан кейін бұл бап «Адам өлтіруге оқталу» деген анағұрлым ауыр бапқа өзертілді. Ал 14 қыркүйекте Алматы облысының аудандық сотында танымал продюсерді қатыгездікпен соққыға жығу туралы іс бойынша процесс басталды. Бақытбек Есентаев өз жұбайын өлтіруге оқталды және зорлады деп айыпталуда. Қылмыстық кодекстің осы баптарына орай тыңдау жабық режимде өтуде.

Айнүр Сапарова

Жіберіп алмаңыз: 

Дариға Назарбаева Баян Есентаеваға қолдау білдірді

Есентаева «Өгей жүрек» телехикаясының алдын-ала көрсетілімін өткізді (фото, видео)

Есентаеваның «Лашыны» Грузияда түсірілген бейнебаянның тұсауын кесті (фото, видео)

Әйелдер істері жөніндегі ұлттық комиссия Баян Есентаеваның сөзіне қатысты пікір білдірді

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

5
Комментариев
  • Анонимно says:

    Не болса да Баян “атын бір шығарды”…))))Бишара еркек қайтсін енді.Сол керек ондай қатынға

  • Анонимно says:

    Дуниежузилик денгейге шыгамыз ба калай ? Не де болса уят қой . Отбасылық маселе

  • Анонимно says:

    Нет дыма без огня.сондыктан да кызы акесинин коргаушысы болган шыгар

    • Анонимно says:

      Баян тик минезди бир беткей айел. Бундай айелдер отбасына опасыздык жасамайды.Ал кызына келетин болсак кыз бала акесине жакын болады сол себепти Деп ойлаймын.

Leave a Reply

Your email address will not be published.

Орташа айырбас бағамы
18.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар