Атамбаев: Назарбаев туралы айтқан кезде эмоцияға салынып кеттім, менікі дұрыс болмады

Сәрсенбі, 18 Қазан , 2017 13:32

Қырғызстан басшысы Алмазбек Атамбаев өзінің қазақстандық әріптесі Назарбаев туралы айтқан кезде эмоцияға беріліп кеткенін мойындады.

Бұл туралы Sputnik Кыргызстан хабарлайды.

Ол қазақ-қырғыз шекарасындағы күшейтілген бақылауды – Қырғызстанды Ресейден алшақтатуға жасалып отырған әрекет деп бағалап, мұны істеп отырған Назарбаевтың айналасындағы адамдар деді.

“Назарбаев бұл туралы күмәнданбайды да деп ойлаймын. Ол өзге президенттер секілді айналасындағы олигарх, миллиардерлерге сенеді. Бірақ, олар Назарбаевты да, Қазақстанды да ойламайды, тек өз бастарын ғана ойлайды. Олардың есепшоттары батыс банктерінде тұр”, – деді Атамбаев студенттерге президенттік шәкіртақыны табыстау кезінде.

“Назарбаев туралы айтқан кезде менікі дұрыс болмады. Эмоцияға салынып кеттім. Ол да мен секілді сенгіш адам және шаруасы да шаш етектен. Бірақ, олигархтардың көздегені басқа”, – деді Атамбаев.

“Бұл Қазақстан әскерилері мен АҚШ-тың Ресеймен шекарада жасап отырған біріккен оқу-жаттығуы. Соңғы бірнеше жыл бойы Қазақстан Евразиялық экономикалық одақтың құлдырауы үшін әрекет етіп келе жатқанын көріп отырмыз”, – деді ол.

Атамбаев 80-жылдары Алматыда Мәскеуден тағайындалған басшы үшін наразылықтар болғанын да айтып өтті.

“Қазақстанның қазіргі басшылығы әр халықтың өз жолы, өз тәуелсіздігі бар екенін ұмытып кетті. Көптеген халықтар егемендік үшін күресіп жатыр. Құдайға шүкір, бізде ондай қауіп жоқ. Бірақ, біз тәуелсіздіктен шетел әскерінің күшімен ғана емес, Қазақстанмен араласу арқылы айырылып қалуымыз мүмкін екенін сезіп отырмыз”, – деді Қырғыз басшысы.

Ол сондай-ақ, Қазақстан басшыларының Қырғызстанның барлық сауда және транспорт жолы Қазақстан арқылы өтіп жатыр дегені де өтірік деді.

“Қырғызстанның басқа да көршілері бар. Каримовтың кезінде біз жарты жылға газ бен жарықты өшіріп тастадық. Бірақ, қазір бізде Өзбекстанмен қарым-қатынасымыз басқаша. Қытай мен Тәжікстанмен де керемет араласамыз. Бізге өз тауарларымызды саудалау үшін басқа жол, басқа нарық іздеу керек”, – деді Атамбаев.

Бұл Атамбаевтың Қазақстан туралы айтып отырған бірінші мәлімдемесі емес. Бұған дейін ол Қырғызстандағы сайлауға араласты деп Қазақстан басшылығын айыптаған еді. Кейінірек қазақ-қырғыз шекарасындағы жағдайды да қазақ билігінің жеке амбициясымен байланыстен байланыстырған. Одан соң “Қырғыз еліне қылыш ұстап келгендер басын қалдырып кетеді” деп те айтып салды.

Тағы да оқыңыз:

Алладан басқа ешнәрсеге ешқашан сенбеймін: Жээнбеков туралы не білеміз?

Желіде қазақ-қырғыз шекарасынан тараған видео бірнеше жыл бұрын түсірілген

Қырғызстан Қазақстанның гуманитарлық көмегінен бас тартты

Назарбаев Қырғыз еліндегі сайлауға араласуға қатысты: Мұның бәрі жалған (видео)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

4
Комментариев
  • Anonymous says:

    әрине дұрыс емес, енді соны ұғынған соң артық сөз айтпай, латынымызға да тиіспей жайына кетсе несі кетеді екен ей.

  • Anonymous says:

    Эмоцияға салынбай ойланып сөйлеу керек еді

  • Anonymous says:

    Тұрған тұрысына қарасаң типа: Понять, и простить! деп тұрғой))

  • Anonymous says:

    Бул жаран Казакстанды жамандаумен упай жинап жур. Европага, ресейге барсада.

Leave a Reply

Your email address will not be published.

Орташа айырбас бағамы
21.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар