Алматыда қоғамдық көлікте елді тонап жүрген екі ұры ұсталды
Алматыда автобуста елдің қалтасына түсіп жүрген екі ұры ұсталды. Қалалық полицейлер азаматтық киім киіп, автобустағы ұрыларды ұстауға шығу барысында қолға түсірген.
Ұсталған екі адам жымысқы ойларын Сейфуллин-Шолохов көшелерінің қиылысында жүзеге асырған.
«Олардың бірі ұрлық жасағанын мойындады. Түрксіб аудандық ІІБ-де тінту барысында олардан ұялы телефон табылды. Екіншісі ұялы телефонды біреуден сатып алғанын айтып ат-тонын ала қашты. Қазір екеуі де аудандық ІІБ жеткізілді», – деді ІІД өкілі Андрей Стрельцов.
Қалалық ІІД азаматтарға қоғамдық орындарда өз мүлкіне өте мұқият болуды ескертеді.
Талқылау