Әлем тамсанған әсем мешіттің архитектурасын әйел адам жасаған (фото)

Стамбулда орналасқан “Шакирин” мешіті тек Түркияда емес, дүниежүзі бойынша заманауи мешіттердің қатарында.

Бұл туралы muslim.kz сайты хабарлады.

Бір қызығы, ерекше архитектураның авторы – нәзік жанды әйел кісі. Зейнеп Фадылоғлу есімді мұсылман қызы бұған дейін әлем мойындаған әсем де зәулім мейрамхана мен қонақүйлердің дизайнын жасаған.

Ақпарат мәліметіне сүйенсек, мешіт 2009 жылы Стамбулдың діни аудандарының бірі Үскідарда салынған. Құрылысына 4,5 жыл уақыт кеткен ерекше дизайнды мешіт 500 адамға арналып салынған көрінеді.