Абай Бегей: “Сені ұмытқан жоқпын” атты кешімді марқұм жұбайыма арнадым
Абай Бегей өзінің «Сені ұмытқан жоқпын» атты ән кешін жұбайының рухына бағыштағанын айтты. Мұнымен қатар, тіл-көзден сақтау үшін балалары туралы сөз қозғаудан бас тартты.
Бұл туралы «Таңшолпан» бағдарламасында айтылды. - Концертінің алдында келіп сұхбат беріп отырған бірінші әншісің. Жалпы концертке дайындық қалай болып жатыр? - Ән кешіме көптен бері дайындалып жүрмін. Ұйқысыз түндердің көбейгені рас. Бірақ әрдайым шыдамдылық танытамын. - Дағдарыс кезінде концерт өткізу қаншалықты қиын болып жатыр? - Әрбір әнші үшін концерт өткізу – үлкен жауапкершілік пен жұмыс. Концертке шығыннан бөлек, денсаулығың кетеді. Кезекті концертіме 4 ай бойы дайындалдым. Аз қиналған жоқпын. - Концертіңде кімдермен дуэт орындайсың? - 90-ы жаңа әндер болмақ. Мұнымен қатар, сахнаға қазақтың қара домбырасын алып шықпақпын. Астаналықтарға арнап алып келген екі термем бар. Соларды орындаймын. - Ал әріптестеріңізден кім өнер көрсетеді? - Кеш қонағы ретінде Маржан Арапбаева, Нұрлан Еспанов, Ақбота Керімбекова және Дана Кентай келеді. Бір ауылдың баласындай болып кеткен кубалық жігіттер де өнер көрсетеді. Қалғаны тосын сый болып қала берсін. - Қыздарың қалай өсіп жатыр? - Кеше үйдегі екі кішкене қызым өздерінің тілектерін видеоға түсіріп жіберіпті. Қатты шаршап қалған едім. Осы видео мені қозғап, шабыт берді. Алла бұйырып, Астанаға үлкен қызым мен ұлым келді. Ал кішкене қыздарым келе алмады. - Ұл-қыздарыңыздың есімдерін қалай қойдыңыз? - Соңғы кезде ұлым мен қыздарым туралы көп ашып айтпайтын болдым. Себебі, отбасымызда осыдан бір жарым жы бұрын қайғылы жағдай болды. Тіл-көз деген нәрсе бар. Біреу сізге жақсы көріп қарамаса да, тамсанып қараса да, көз өтуі мүмкін. Бұл шариғатта бар нәрсе. Үш қызым мен бір ұлымның бар екені рас. Ал оларға қатысты ақпарат жасырын болып қала берсін. - Концерт «Сені ұмытқан жоқпын» деп аталады. Кешіңді жұбайыңа арнадың ба? - Иә, жұбайымның рухына арнап ән жазған болатынмын. Сол ән концертте орындалады. Жіберіп алмаңыз: Димаш ұмытылмас тосын сыйы туралы айтып тыңдармандарын қуантты Тұңғышбай Жаманқұлов өз кінәсін толықтай мойындады (видео) Алтынай Жорабаева: Қытайлардың Димашқа бас жүлде бермейтінін білгем Мөлдір Әуелбекова 5 айлық ұлын бейнебаянға түсірді (фото, видео)
Талқылау
