80 жастағы қайыршы әйел өзіндік стилімен танымал болды (фото)
Танысып қойыңыздар, мына сәнқой ханымның есімі – Рози. Үйсіз-күйсіз болса да, оның киіну стилі ерекше әрі өмірге деген көзқарасы бірқалыпты, бейқам. Вильнюс көшелерін 30 жылдан бері жағалап жүрген әйел жүрген жерінде адамдарға ерекше атмосфера сыйлайды. Әйелдің жасы шамамен – 80-де. Алайда барша әйелдер қауымы секілді ол да өз жасын құпия сақтағанды құп көреді.
Розиді көрген кейбір адамдар: «Бар болғаны кедей әйел!» деп айтуы мүмкін. Енді біреулер оған мүлдем назар аудармаса, келесілер оның сырт-келбетін бағалаумен болады. Талғампаз Рози «жұмыс орнына» жаңа көйлектерін киіп шығады, сөйтіп қайырымды жандардан ақша сұрайды. Ал жаңа киімдерді оған қайырымдылық ұйымының қызметкерлері береді.
Өзімен суретке түсуді қалайтын адамдарды көргенде қарияның әжім басқан жүзі бал-бұлданып шыға келеді. Ол да бейтаныс жандармен суретке түсуге қарсы емес. Әдемі кейіпте суретке түсе қалатын әйел оның есесін ақшамен қайтаруды меңзейді.
Ол да басқа қаңғыбастар секілді өткен-кеткен адамдардың берген садақасына күн көреді. Әйелден тапқан олжасының өмір сүруге қаншалықты жеткілікті екенін сұрағанда ол жолы болған жағдайда тамақтанатынын айтқан.
Жіберіп алмаңыз:
АҚШ-та жүрген Диас Аблаев iPad ұстаған қайыршыларды көріп таң қалған
Америка қайыршысы қауіпті қылмыскерлерді ұстап бергені үшін 140 мың доллар алды
Қайыршы өзінің адал ісінің арқасында үй алды (фото)
Қытайда қайыршы қоқыс арасынан тауып алған сәбиді асырап, сол үшін өмір сүруде (фото)