Павлодарда төртінші қабаттан құлап кеткен бір жарым жасар бала ғажайып түрде аман қалды

Павлодарда төртінші қабаттан құлап кеткен бір жарым жасар бала ғажайып түрде аман қалды. Балада сынық жарақаттары жоқ. Бұл туралы Stan.kz ақпарат агенттігі irbis.tv порталына сілтеме жасап хабарлайды. 

Фото freepik

Қайғылы оқиға 18 сәуір күні кешке Павлодардағы Мәскеу көшесіндегі төртінші қабаттағы пәтерде орын алған.

Оқиға кезінде бүлдіршіннің анасы көрші бөлмеде болған. Ал жалғыз қалған бір жарым жасар бала терезеден құлап кеткен. 

"Төртінші қабат екенін ескерсек, баланың аяқ-қолында сынықтар, қаңқа жарақаттары жоқ. Аяқ-қолы сау, бас сүйегі де аман.  Мидың шайқалу белгілері де жоқ, тек бас сүйегінің үстірт жарақатын алған”, - деді облыстық балалар ауруханасының травматологы Ардақ Айтмұхаметұлы.

• "Балалардың тағдыры қыл үстінде": Алматы облысында ата-аналар апатты жағдайдағы мектептің бір сәтте опырылып түсетінін айтты

• "Бала жатқан бесікті лақтырған, жүйелі түрде ұрып-соққан": Түркістан облысында қорғанбақ болған әйел күйеуін өлтіріп алғаны үшін қамалды

Бала компьютерлік томографиядан өтті, оның жағдайы орташа. Бүлдіршін қазір белсенді қимылда.