Жетісуда жол жөндеуді желеу етіп, лауазымдық өкілеттіктерін теріс пайдаланған шенеуніктер тергелуде

11.05.23 / 10:30

Бас прокуратура Жетісу облысының Кербұлақ ауданында автомобиль жолын салуда лауазымдық өкілеттіктерін теріс пайдаланып, мемлекетке зиян келтірген шенеуніктерге қатысты қылмыстық іс қозғалғанын мәлімдеді. Бұл жайында Stan.kz ақпарат агенттігі хабарлайды.

Бас прокуратура таратқан деректерге қарағанда, биыл наурыздың 7-сінде Кербұлақ ауданында еріген қар суы Малайсары станциясы бағытындағы тасжолды жартылай шайып кеткен. Жергілікті шенеуніктер жөндеу жұмыстарын желеу етіп, заң талаптарын белден басқан.

“Бастапқыда бұл жұмыстар мемлекеттік органға жобалау-сметалық құжаттамасыз және сараптама жүргізбестен мемлекеттік сатып алуды жүргізуге мүмкіндік беретін ағымдағы жөндеу түрінде заңсыз жүргізілген. Бұл өз кезегінде техникалық және авторлық қадағалау тарапынан бақылауды жояды. Нәтижесінде су бұру жүйелерінің өткізу қабілеті есептелмеген және жүргізілген жұмыстардың сапасы қамтамасыз етілмеген”, – дейді Бас прокуратура өкілдері.

Соның салдарынан лауазым иелері өздерінің заңсыз әрекеттерімен мемлекетке зиян келтіріп, аса ірі көлемде залалдарын тигізген. Мұны Бас прокуратура қылмыстық іс ретінде тіркеп, "Лауазымдық өкілеттіктерді теріс пайдалану" бабы бойынша сотқа дейінгі тергеуді бастады.

Өмір айнасы

Нұрқанат Омарұлы

Бейсенбі, 11 Мамыр, 2023 10:30

Біздің таңдауымыз

Қазақстанда 2026 жылдан бастап әлеуметтік төлемдер мен жәрдемақылар қалай өзгереді?

Ең төменгі зейнетақы – 69 049 теңге мөлшерінде болады

Қолданыста жүргеніне 50 жылдан асқан: Астанадан ұшқан қазақстандық ұшақтағы түсқағазды көріп жағасын ұстады (видео)

Желі қолданушысы: "Қатты дыбыстан құлақ бітіп қалды, ұшақ қирап қалатындай көрінді"