Желіде Шымкентте қаза тапқан 21 жастағы Нұрайдың қаза болар алдындағы видеосы пайда болды

Видеодан скриншот

Желіде Шымкентте қаза тапқан 21 жастағы Нұрайдың өмірінің соңғы сәттері түсіп қалған видео пайда болды. Автордың айтуынша, кадрлар қайғылы оқиғадан жеті минут бұрын түсірілген. Бұл туралы Stan.kz ақпарат агенттігі хабарлайды.

Бейнежазбада қыздың көше бойымен келе жатқаны, артынан бір жігіт еріп келе жатқаны көрсетілген. Бір кезде ол қызды қуып жетіп, қолынан ұстап алады. Нұрай оны елемей, кетуге тырысады. Бірақ ер адам жібермей, жолын бөгейді. Мұның бәрі өтіп бара жатқан адамдардың көзінше болады.

Шымкентте қаза тапқан 21 жастағы Нұрайдың туыстары полицияны немқұрайлық танытты деп айыптады: Оларға қатысты тергеу басталды

Бейнежазба жарияланғаннан кейін пікірлерде қызу талқы басталды.

"Неге ол өтіп бара жатқандардан көмек сұрамады? Неге полицияға хабарласпады?", "Ол оның оны өлтіретінін білмеді. Ол үйге жетеді деп ойлаған шығар", "Оны не күтіп тұрғанын кім білген?", "Қыздар, егер қауіп төніп тұрғандай сезінсеңдер, дереу полицияға хабарласыңдар", – деп жазды желі қолданушылары.

Айта кетейік, бұған дейін 11 қаңтар күні Шымкентте 21 жастағы қыз пышақ жарақаттарынан көз жұмды. Аталған факті бойынша кісі өлтіру бабымен қылмыстық іс қозғалып, жедел-тергеу іс-шаралары жүргізіліп жатыр.

Марқұм – студент Нұрай Серікбай. Оны 11 қаңтар күні кешке Төлеметов пен Өтегенов көшелерінің қиылысында пышақтап кеткен. Бейнежазба кадрларынан қыздың қашуға тырысқанын, кейін қарсылық көрсетіп, ал жігіттің оны ұрып-соғып, пышақ сұққанын көруге болады. Оқиғадан соң күдікті оқиға орнынан қашып кеткен.

Нұрай ата-анасымен бірге қылмыс болған жерге жақын орналасқан көпқабатты үйлердің бірінде тұрған. Оның екі ағасы бар, өзі отбасының кенжесі болған. Жақындары марқұмның денесін мәйітханадан алып, Түркістан облысындағы Төрткөл ауылына жерлеу үшін алып кетті.