Желіде математикадан сабақ берген 93 жастағы кейуана қазақстандықтарды тәнті етті (видео)
Желіде БҚО-лық 93 жастағы мұғалімнің видеосы қазақстандықтарды тәнті етті. Видеода кейуана тақтаға шығып, есеп формулаларын түсіндірген. Бұл туралы Stan.kz ақпарат агенттігі хабарлайды.
Фото: видео кадрларынан скрин
Деректерге сүйенсек, бейнежазбаның сипаттамасында бұл 93 жастағы сынып жетекші Назия Губайдоллақызы екені айтылған. Ол сол кезде өзінің мектепті бітіргеніне 40 жыл толуына орай жиналған ересек оқушыларына сабақ берген.
Сонымен қатар кейуананың қызы анасы немерелерін ҰБТ-ға дайындауға көмектескенін және оның күш-жігерінің арқасында балалардың барлығы грантқа түскенін айтты.
Желі пайдаланушылар өздерінің таңданысын жасырмады. Олар ұстаздың есте сақтау қабілетіне тәнті болды. Бейне астында адамдар мұғалімге ұзақ өмір тіледі.
"Қолымнан айырылып қалу алдында тұрмын": МӘМС арқылы уақытылы көмек ала алмаған қазақстандық ота кезегінің ұзаққа созылғанына наразы
"Жарты жылдан астам уақыттан бері ізімнен қалар емес": Сталкингтің қауіпті белгілері және одан қалай қорғануға болады?
Психолог сталкерлердің бастапқыда байқалмайтын белгілерін атады