Жәнібек Әлімханұлы жеңілмеген жаңазеландиялық қарсыласын көкала қойдай етіп сабады
Жәнібек Әлімханұлы жеңілмеген жаңазеландиялық қарсыласын көкала қойдай етіп сабап, ауыр нокаутқа жіберді. Бұл туралы Stan.kz ақпарат агенттігі хабарлайды.
Фото: instagram.com/nolimit_aus/
Лас-Вегаста екі чемпиондық белбеу үшін жекпе-жек алдында салмақ өлшеу сәтінде есінен танып, ауруханаға түскен Әлімханұлы Андрей Михайловичке (21-1, 13 КО) қарсы екінші жекпе-жегінде жарқын жеңіске жетті. Аустралияның Сидней қаласында өткен жекпе-жекте отандасымыз әр раунд сайын қарсыласына ауыр соққыларын дарытып, ақыры 9 раундта қарсыласын сұлатып салды. Сөйтіп Әлімханұлы IBF тұжырымы бойынша чемпиондық белбеуін сақтап қалды.
Айта кетейік, Жәнібек Әлімханұлы мен Андрей Михайлович 14 шілдеде Лас-Вегаста (АҚШ) жұдырықтасуы керек еді. Бірақ отандасымыз салмақ қуу кезінде есінен танып, ауруханаға түсіп қалғандықтан, кездесу өтпеді. Әлімханұлы соңғы рет 2023 жылы қазанда шаршы алаңға шыққан еді.
Kcell компаниясы қызметкерлеріне арналған жаңа жылдық корпоративке 160 миллионға жуық қаражат жұмсаған
1100 адамға кешкі ас қарастырылған: қымбат салат, түрлі ассорти, стейк, жеміс пен десерт қойылған
Қазақстан шоу-бизнесіндегі ең даулы сәттер: 2025 жыл қандай жайттармен есте қалды?
2025 жылы желіде талқыланған даулар