Жамбыл облысында педофил 10 жасар балаға алдап фейерверктер алып берген
10 жасар баланың ата-анасы балдарының күні бойы қымбат фейерверктер атып жүргенін байқап қалады. Байыппен зерттеген олар бұл мерекеге “демеушілік” жасап жүрген бейтаныс адам екенін анықтаған.
Бұл туралы Экспресс К басылымы хабарлайды.
Анығында оған ақшаны баланың балғын тәнін аймалағанды жақсы көретін бейтаныс ер адам берген екен. Бейтаныс ер адамға оны ауладағы көрші бала таныстырыпты.
“Олар дер уақытында полицияға хабарласып, бұл әрекет қылмыскерді анықтауға мүмкіндік берді. Баланың денсаулығына мәжбүрлі түрде қол сұғып, озбырлық жасау заң бойынша да қатаң жазаланады”, – деді Жамбыл облыстық қылмыстық істерді қарайтын аудан аралық мамандандырылған соттың судьясы Самат Төлесбай.
Кәмелетке толмаған балаға азғындық әрекет жасады деп айыпталып 10 жылға сотталған адам жұмыссыз жүрген екен. Ол күні бойы аулада жүріп, бөтелке жинап, сосын балаларды әңгімеге тартқан. Ер адам балаларға тәтті балмұздақ алып беріп қалауын іске асырғысы келіпті.