"Жемқорлықтың кесірінен үйімнен қуып шықты": Досаевпен кездесу кезінде тұрғындардың бірі есінен танып қалды
Әуезов ауданындағы қала әкімі Ерболат Досаевтың тұрғындармен кездесуінде мәселесін айтпақ болған әйел қобалжып, есінен танып қалды. Бұл туралы Stan.kz ақпарат агенттігі хабарлайды.
Фото: Алматы әкімінің тұрғындармен кездесу сәтінен скриншот
Кездесуде азаматша әкімге жүгініп, мәселесін шешіп беруді өтінді. Келіншек оны отбасымен бірге жалғыз үйінен қуып жатқанын айтады. Сөйтіп, әңгіме барысында әйел қатты қобалжып, жылап жіберген.
"Жалғыз баспанамызды тартып алды. Сыбайлас жемқорлықтың кесірінен көшеде қалдық. Себебі ешқайсысы әділдікті көргісі келмейді. 1 наурызда өрт шығып, үйіміз отқа оранды. Өрт кезінде көрші ғимаратқа зақым келген. Міне, барлық техникалық заңбұзушылықпен салынған екі қабатты жатақхананың заңсыздығын растайтын құжаттар бар. Жатақхананың рұқсатсыз салынғаны анық жазылған. Астыңғы қабатта бес бөлме, үстіңгі қабатта бес бөлме, газ тартылған. Газды екі нүктеге бермесе, он нүктеге дейін тартуға қалай рұқсат беруге болады?" – деп түсіндірді қала тұрғыны.
Әйелдің айтуынша, меншік иесі сотқа шағым түсірген. Судья азаматшаның техникалық заңбұзушылықтар туралы барлық өтінішін қараудан бас тартқан көрінеді.
"Сондықтан олар барлық техникалық заңбұзушылықты қарау үшін МСҚББ өкілін шақырады. Алматы бойынша, бір қабатты үйлер үшін бос орын екі метр, ал екі қабатты үйлер үшін 70 сантиметр болуы керек. Ол төбесін біздің шатырға қосқан. Өрт оның ғимаратына да әсер етті, ол 32 миллион шығынды – үйдің құнын төлеуді сұрап отыр", – деді азаматша.
Әйелдің сөзінше, меншік иесі ғимаратын еш жерде тіркемегенін атап өтті.
Қазір әйел қолында бір ғана құжаттың, құрылысқа еш қатысы жоқ органдардың қолдары бар қабылдау-тапсыру актісі бар деп отыр.
Ерболат Досаев әйелдің өтінішін тыңдап болып, құрылыс басқармасының басшысына ғимарат құрылысының заңдылығын түсінуді, ал төтенше жағдайлар департаментіне өрттің қай жерде және неге шыққанын, құрылыс нормалары сақталды ма, жоқ па, соны анықтауды тапсырды.
Бұдан бөлек, құрылыс бөлімінің өкілі жатақхана құрылысында заңбұзушылықтар анықталғанын растады.
Сонымен қатар көз жасына ерік берген келіншек оларды үйден қуып жатқанын, қолында мүгедек баласы бар екенін жеткізді.
"Біз сізге көмектесеміз, сот ісін жүргізуге негіз береміз. Әділет департаментіне өтініш, барлық көшіру әрекеттерін тоқтата тұрыңыз. Біз құдіретті емеспіз, оларға немесе басқаларға тапсырма бере алмаймын. Маған бағынбайтын бөлімдер мен органдар бар. Мен олардан тек сұрай аламын", – деді Ерболат Досаев.