“Энергетика нысандарына жасалатын соққыларды тоқтатуға бағытталған күш-жігері үшін Америкаға рахмет. Біз АҚШ осыған қол жеткізе алады деп үміттенеміз. Бүгін АҚШ президентінің мәлімдемесі болды. Ал бүгін кешке және алдағы күндері энергетикалық нысандарымыз бен қалаларымыздағы нақты жағдай бәрінің қалай өрбіп жатқанын анық көрсетеді. Жасасын Украина”, – деп жазды Украина президенті өзінің Telegram-арнасында.
Зеленский Ресеймен ішінара келісімге келгенін мәлімдеді
Украина президенті Владимир Зеленский Ресеймен ішінара бітім жариялағанын мәлімдеді. Ол Ресей мен Украина 2026 жылғы 30 қаңтарда энергетика саласына қатысты уақытша бітімге келіскенін растады. Бұл туралы Stan.kz ақпарат агенттігі Украиналық БАҚ-қа сілтеме жасап хабарлайды.
Владимир Зеленскийдің сөзінше, екі жақты мәміле Біріккен Араб Әмірліктерінде өткен келіссөздер кезінде жасалған.
Зеленскийдің айтуынша, Киев қатты аяз кезінде Ресей тарапымен “энергетикалық бітім” туралы келісімге келген.
АҚШ президенті Дональд Трамп Ақ үйде өткен министрлер кабинетінің отырысында Ресей басшысы Владимир Путинге қатты аязға байланысты Киев пен Украинаның басқа қалаларына соққы жасауды бір аптаға тоқтата тұруды сұрағанын айтты.
Бұл отырыс Ақ үйдің YouTube-арнасында тікелей эфирде көрсетілді.
“Аязға байланысты, экстремалды суыққа байланысты президент Путиннен Киев пен басқа да қалалар мен елді мекендерге бір апта бойы шабуыл жасамауды жеке өзім сұрадым. Бұл жай ғана суық емес. Бұл ерекше, бұрын-соңды болмаған суық. Онда да қатты аяз болып жатыр”, – деді Трамп.
АҚШ көшбасшысының айтуынша, Путин оның өтінішін орындауға келіскен.
“Айта кетуім керек, ізеттілік көрсетті. Көп адам “қоңырау шалып, уақыт жоғалтпа, ештеңе шықпайды” деді. Бірақ ол мұны жасады. Біз олардың бұған келіскеніне өте қуаныштымыз”, — деді Трамп.
Алайда бұл мәселеге қатысты Ресей тарапы ешқандай ресми мәлімдеме жасалған жоқ.
Өмірі ауруханаға бармаған 100 жастағы ата ұзақ өмір сүрудің құпиясын айтты
Ұзақ өмір сүрудің құпиясы қымбат дәрі-дәрмек пен ерекше күтімде емес
"Азық-түлік екі есе арзан, вирус жоқ": Қазақстандық жігіт отбасын алып табысы төмен Африка аралына көшіп кеткен
Сұлтан: “Арал президенті көршім, ол қарапайым, күзетшісіз жүреді”