"Ұрып, қылқындыратын": Аягөзде туысқан ағасынан азғындық көрген жасөспірімнің арызы бойынша қайта іс қозғалды
Жиен ағасын 11 жыл бойы қорлады деп айыптаған аягөздік Еркеназ Оразғалиеваның шағымы бойынша бірнеше рет тоқтатылған қылмыстық іс қайта қозғалды. Бұл туралы Stan.kz ақпарат агенттігі КТК арнасына сілтеме жасап хабарлайды.
Фото: Stan.kz/Медет Исапанов
Жасөспірім өзіне зорлық көрсеткен адамның лайықты жазасын алғанын қалайды.
“Порнография видеоларын көрсететін. Сосын кішкентай қыздардың видеоларын көрсететін. Денемді қатты қысып ұстайтын. Сосын ұратын, қылқындыратын. Үйде ол кезде ешкім болмайтын. Кінәлі адамның өз жазасын алғанын қалаймын”, – дейді Еркеназ.
Қыздың ұзақ жылдар бойы жиен ағасынан қорлық көріп келгені туралы туған ата-анасы 10 жылдан кейін білген. Өйткені анасы қызын “бауырына салу” дәстүрімен қайын ағасы мен абысынына берген. Азғын жасөспірімді “қарсылық білдірсең, ата-анаңды өлтіремін” деп қорқытқан. Абай облысы полиция департаменті оған қатысты қылмыстық іс қозғады.
Еске салайық, 16 жасар Еркеназ Оразғалиева мектепте дене шынықтырудан сабақ беретін туысқан ағасының өзін 11 жасынан бері зорлап келгенін айтқан еді. Айтуынша, ағасы Еркебек Жұмаханов қыз 6 жаста кезде өзінің жыныс мүшесін көрсетіп, оны порнография көруге мәжбүрлеген.