Алматыда "Алтын Орда" базарының маңындағы дәмхана өртенді (видео)
Желіде Алматыда "Алтын Орда" базары маңындағы өрт оқиғасы түсірілген видео тарады. Бұл туралы Stan.kz ақпарат агенттігі хабарлайды.
Фото: Видеодан скрин
Алматы қаласы Төтенше жағдайлар департаментінің хабарлауынша, өрт 9 қыркүйек күні сағат 09:20-да басталған.
"Күштер мен құралдар Наурызбай ауданы, Ташкент трактіндегі 17/1 мекенжайына жөнелтілді. Оқиға орнында жұмыс істемейтін үй-жайдың шатыры өртке оранды. Сосын жалын 100 шаршы метр аумақтағы бір қабатты ломбардтың шатырына көшкен. Қабылданған шаралардың арқасында өрт 15 минутта ауыздықталып, 09:48-де өрт орнынан 50 литрлік газ баллоны шығарылды", – делінген хабарламада.
Зардап шеккендер жоқ. Өрттің шығу себебі анықталып жатыр.
Айта кетейік, бұған дейін Маңғыстау облысында көшедегі жолда қоқыс таситын көлік өртеніп, жойқын жарылыс болғаны туралы жазған едік.
Қазақстандық мұғалімдер жұмыстан тыс уақытта түнгі рейдке шығуға әлі де мәжбүр екенін айтты: Оқу-ағарту министрлігі не дейді
Мұндай істі міндеттесе мектеп басшылығына 86 500 теңге мөлшерінде айыппұл салынады
Түркістандық көпбалалы ана үйіне келіп жәрдемақыдан бас тартуды талап еткендерге шағымданды
Әсел: "Сөйте тұра маған “сіз А категориясындағы отбасына жатасыз" деді"