Венесуэлада су тасқыны салдарынан 43 адам қаза тапты
Венесуэланың Арагуа штатында сел болған жерден 43 адамның мәйіті табылды, деп хабарлайды Stan.kz ақпарат агенттігі.
"Қаза болғандардың саны 43 адамға жетті, жұмыс жалғасып жатыр", – деді елдің вице-президенті Делси Родригес VTV телеарнасының эфирінде.
Бұған дейін ел билігі 39 адам көз жұмғанын хабарлаған. Жексенбіде сел Арагуаның Лас-Техериас аймағындағы үйлердің бір бөлігін қиратты, өзендер арнасынан асып кетті.
Апат аймағына мыңнан астам құтқарушы мен сарбаз, азық-түлік тиелген автокөлік колонналары жіберілді. Президент Мадуро су тасқынынан зардап шеккен азаматтар мен бизнесінен айырылған кәсіпкерлерге ақшалай көмек көрсетуді тапсырды.
Айта кетері, Венесуэланың солтүстігінде жауған нөсер жаңбырға Кариб теңізі арқылы өткен "Джулия" дауылы себеп болған.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі