“Жеңіс жоспары” туралы бұған дейін ресми түрде көпшілікке ұсынылмаған еді. Украина президенті “жеңіс жоспары” 5 тармақтан және үш құпия қосымшадан тұрады.

“Путин ешкімді естімейді. Бірақ украиналықтар Ресейдің өзін келісімге келуге мәжбүрлейтіндей жағдайды өзгертуі керек. Ешбір ресейлік ультиматумның ешқандай мәні жоқ”, – деп бастады Украина президенті өз сөзін.

Зеленскийдің айтуынша, егер жоспар орындалса соғыс келесі жылы аяқталады.

Жеңіс жоспары 5 тармақтан тұрады:

Украинаны НАТО-ға кіруге шақыру, бұл сөзсіз “қазір” орындалу керек.
Қорғаныс. Батыстың көмегімен Украина армиясын күшейту, Ресейге терең соққы беруге тыйым салуды алып тастау, нақты уақыттағы спутниктік деректерді Киевке жіберу және украин қаруын өндіруге инвестициялау.
Ұстау. Украинада елді Ресейден келетін әскери қауіптен қорғау үшін жеткілікті ядролық емес тежеу құралдарын орналастыру ұсынылады. Бұл жерде Киевтің серіктестері таныс болған құпия қосымша бар.
Одақтастармен Украинаның құнды ресурстарын, атап айтқанда, уран, титан және литийді бірлесіп қорғау туралы келісім.
Соғыстан кейінгі кезең. НАТО-ның қорғанысын нығайту және Еуропадағы қауіпсіздікті қамтамасыз ету үшін Украина тәжірибесін пайдалану керек.

“Ресей Украинаны бақылауында ұстай алмайтындай болу керек. Тіпті бақылауға алуға деген ұмтылысы болмау керек. Бұл Украина үшін кепілдік. Сонымен қатар Еуропа үшін бейбітшілік пен тыныштық кепілі. Бұған қол жеткізуіміз үшін сіздерден Украинадағы ауызбіршілік үшін және Украинадан серіктестермен бірге әрекет етуді сұраймын. Серіктестерді сөзге сендіру. Еңбектенуден шаршамайтындармен бірге болу”, – деп жазды Зеленский Telegram арнасында.

Зеленский жоспарды Жоғарғы радада таныстырды. Жиынға премьер-министр Денис Шмихал, қорғаныс министрі Рүстем Умеров, Украина Қарулы күштерінің бас қолбасшысы Александр Сырский, СБУ басшысы Василий Малюк және Қорғаныс министрлігі Бас барлау басқармасының бастығы Кирилл Буданов қатысты.

Талқылау