Байбектің Универсиадаға билет сатып алуға ақшасы жетпей қалды
Алматы әкімі Бауыржан Байбек Универсиадаға билет сатып алу үшін көмекшісінен 400 теңгені қарызға сұрады.
Бұл туралы informburo.kz басылымы хабарлайды.
Алматы қаласының әкімі Бауыржан Байбек Универсиаданың басталуына 100 күн қалуына орай ұйымдастырылған шараға қатысты. Алайда кассада оған билет сатып алу үшін 400 теңге жетпей қалды. Екі билеттің құны 2400 теңге болатын. Жетпей қалған 400 теңгені оған көмекшісі берді.
Әкім осылайша 2017 жылдың 7 ақпанына жоспарланған жарысқа әйелі екеуіне билет сатып алды. “Алматы қаласында әлемдік 28-ші қысқы Универсиада ойындарының ашылу салтанаты өтеді. Ағымдағы жылдың да Тәуелсіздігіміздің 25 жылдығы, сүйікті қаламыздың мың жылдығы сынды шараларымен танымал екенін білесіздер”, – дейді Байбек.
Ол шараға 2 000-нан астам спортшының қатысатындығын атап өтті. Шенеунік Алматы халқын қоғамдық шараларға қатысуға шақырды. “Универсиадаға дейін 100 күн қалды” жобасы Алматы қаласында 21 қазан күні өтті. Ол екі күнге созылады. Екінші күн Медеуде өтетін болады.
Жіберіп алмаңыз:
Семейде құйып тұрған жаңбыр астында асфальт төсеген жұмысшылар елді шошытты
Сотталушы Мүсілім Оңдағанов түрмеден үндеу жазып әріптестерінен пара алмауды өтінді
Ұл туып бермегені үшін әйелін тастап кеткен зейнеткерге екінші әйелі де қыз туып берген
Араб шейхтары бір дуадақ атса Қазақстанға 500 мың теңге төлейді