Универсиада-2025. Жарыс жолына отандық спортшылардан кімдер шығады?
Италияның Турин қаласында өтіп жатқан XXXll қысқы Универсиада ойындарында 15-қаңтар күні Қазақстан спортшылары төрт сайыс бойынша бақтарын сынайды. Бұл туралы Stan.kz ақпарат агенттігі хабарлайды.
Фото: instagram.com/torino2025_fisugames
Параолимпиадалық шаңғы жарысы – 10 км еркін стилде (ерлер). Бұл сайыста Денис Зинов пен Роман Құрбанов өнер көрсетеді.
Шаңғы жарысы – 10 км еркін стилде жекелей сын. Ерлер: Святосслав Матассов, Әмірғали Мұратбеков, Ілияс Исабеков, Сұлтан Базарбеков, Нартай Тұрлыбекұлы, Ернұр Бексұлтан. Қыздар: Анастасия Ротова, Лаура Қиныбаева, Мария Геращенко, Елизавета Толмачаева, Әсем Жұмағазиева, Алеся Бошкарева.
Шаңғы фристайлы – жұптық могул. Топтық кезең. Ерлер арасынан бұл бәсекеге Антон Бондарев, Федор Бугаков, Максим Емелянов, Семен Русаков қатысса, қыздар арасында Анастасия Городко мен аяулым Әмренова сынға түседі.
Тау шаңғысы – альпілік комбинация. жарыс жолына Александра Скороходова мен Ксения Бережная шығады.
Жарыс күнін түнгі сағат 00:00-де хоккейден Қазақстан ұлттық құрамасы аяқтайды. 3-тур аясында Канадаға қарсы өнер көрсетеді.
Отандық спортшыларымызға сәттілік тілейміз. Еске салсақ, бұған дейін ел қоржынына алғашқы алтын жүлдені фристайлшы Анастасия Городко салған еді.
Астанада тіс емдеу кезінде көз жұмған 3 жасар қыздың өлімі: Сотта жаңа күмәндер мен сараптамалық қайшылықтар туындады
