Фото: olympic.kz
Фристайл-могулдан Қазақстан құрамасының спортшысы Анастасия Городко Туринде (Италия) өтіп жатқан Универсиадада алтын медаль жеңіп алды.
Қазақстандық спортшы финалда 79.79 ұпай жинап, бірінші орынды жеңіп алды. Екінші орынға Жапония спортшысы Харука Накао (76.29 ұпай) ие болды. Сондай-ақ германиялық Ханна Виис (75.04 ұпай) қола медальды қанағат тұтты. Тағы бір қазақстандық Аяулым Әмренова 70.52 ұпаймен бесінші орынға тұрақтады.
32-дүниежүзілік қысқы Универсиада–2025 салтанатты ашылуы өтті
Айта кетейік, бұл – 2025 жылғы Универсиадада Қазақстан қоржынындағы алғашқы алтын медаль.
Еске салсақ, бұған дейін Анастасия Городко фристайл-могулдан жасөспірімдер арасында үш дүркін әлем чемпионы атанған еді.
