Үндістанға қыдырып барған туристі қаланы таныстырған жігіт зорлап тастаған
Үндістанға қыдырып барған германиялық 25 жастағы аруды жол көрсетіп, қаланы таныстырған жігіт көлікте зорлап тастаған. Бұл туралы Stan.kz ақпарат агенттігі “The times of India” порталына сілтеме жасап хабарлайды.
Фото: pixabay.com
Германиялық ару Үндістанға құрбысымен барған. Оны үндістандық досы еліне қонаққа шақырған. Оқиға болған күні олар Хайдарабадтың шетіндегі Мамидипаллиде болған.
Полицияның мәліметінше, сол күні германиялық арулар жеміс-жидек базарына барыпты. Сол кезде олардың досы 5 кәмелетке толмаған балалармен бірге жүріп, қыздарға “қаланың ескі тарихи жерлерін көрсетейін” деп ұсыныс жасаған. Ол сол жерде автокөлікті жалға алған.
Қыз бен оның құрбысы бұл ұсынысты қабылдаған. Якутпурлық жігіт кейін туристермен бірге ескі қаланы аралап, оларға тарихи орындарды көрсеткен.
"Сапар барысында оларда тамақ, сусындар мен паан болды. Олар әртүрлі жерлерде фотоларға түскен", – деді офицер.
Шамамен екі сағаттан кейін жігіт Мамидипаллиге қарай жүрген. Кейін көлікті тоқтатып ішіндегі 5 жасөспірім мен германиялық арудың құрбысына сыртқа шығып суретке түсуді ұсынған. Бәрі шығып кеткен соң ол іште қалған германиялық аруға 100 метрдей қашықтықтағы жерге барып керемет кадрлар жасауға болатынын айтқан.
"Қыз айтылған жерге жеткенде айыпталушымен бірге бірнеше фото мен селфиге түскен. Кейін қыз артқы орындыққа отырғанда ер адам оны қорқытып, зорлаған", – деді офицер.
Кейінірек ол қызды артта қалғандардың қасына апарған. Алайда ол кезде қыздың құрбысының қасында кәмелетке толмаған 5 бала болмаған. Олар қашып кеткен. Зорланған қыз көліктен түсе салысымен айыпталушы да қашып кеткен. Ал ару құрбысымен жолда қалған. Кейінірек Германияның екі азаматы бұл туралы Хайдарабадтағы досына хабарлапты. Олар бірге Пахади Шариф полиция бөліміне барып, шағым түсірген.
"Жәбірленушінің ұялы телефонындағы айыпталушының фотолары және басқа да ілмектер арқасында айыпталушы анықталып, үйінің маңында қамауға алынды", — деді тергеуші.