UFC жауынгері Бекзат Әлмаханға Triumph Fights жекпе-жек клубының бас демеушісі үй сыйлады
Фото: Chris Unger/Zuffa LLC
Әлемдік деңгейдегі жарыстарда Қазақстанның туын биік ұстап жүрген UFC спортшылары Бекзат Әлмахан мен Азат Мақсұмға бағалы сыйлықтар берілді. Бұл туралы Stan.kz ақпарат агенттігі хабарлайды.
Triumph Fights жекпе-жек клубының әлеуметтік желідегі парақшасында жарияланған бейнежазбада көрермендерді тебіренткен сәт бейнеленді. Клубтың бас демеушісі қос спортшыны жеке құттықтап, оларға бағалы сыйлықтар табыс етті. Бекзатқа — жаңа үй, ал Азатқа — мотоцикл сыйға берілді.
Еске салайық, Бекзат Алмахан 2025 жылдың 10 мамырында өткен UFC 315 турнирінде Брэд Катонамен кездесіп, жекпе-жектің бірінші раундында небәрі 64 секундта қарсыласын нокаутқа түсірді. Бұл оның UFC-дегі алғашқы айқын жеңісі ретінде тіркелді.
Ал Азат Мақсұм 21 маусымда Баку қаласында өткен UFC on ABC 8 турнирінде ресейлік Тагир Ұланбековпен толық үш раундтық жекпе-жек өткізіп, төрешілердің бір ауыздан шешімімен жеңіліп қалды.
Талқылау
