UFC-дің экс-спортшылары Жалғас Жұмағұлов пен Дамир Исмағұлов кәсіпқой бокстағы дебютін сәтті өткізді
UFC тұжырымының экс-спортшылары Дамир Исмағұлов пен Жалғас Жұмағұлов кәсіпқой бокстағы дебютті жекпе-жектерінде жеңіске жетті. Бұл туралы Stan.kz ақпарат агенттігі хабарлайды.
Фото: UFC
Қазақстандық аралас жекпе-жек шеберлері Дамир Исмағұлов пен Жалғас Жұмағұлов кәсіби бокстағы алғашқы кездесуілерін өткізіп, жеңіске жетті. Астанадағы Жақсылық Үшкемпіров атындағы жекпе-жек сарайында Fight Nights Global тұжырымы өткізетін бокс кешінде Дамир Исмағұлов бразилиялық нокаутшы Фелипе Майаға қарсы жұдырықтасып, төрешілердің шешімі бойынша жеңіске жетсе, Жалғас норвегиялық Раванд Оубадан басым түсті. Осылайша, қос спортшы кәсіпқой бокстағы дебютін сәтті өткізді.
Айта кетейік, Жалғас Жұмағұлов соңғы жекпе-жегін еуропалық Оktagon тұжырымында Уэльс спортшысы Аарон Эйбиге (16-9-1) қарсы өткізіп, төрешілердің бірауыздан шешімімен жеңіске жеткен еді. Ал Дамир Исмағұлов Alash Pride 100 турнирінде бразилиялық қарсыласын ауыр нокаутқа жіберген еді.
