Уәлибек Әбдірайымов өнерден алыстап кеткен Қайрат Түнтековтың шығармашылығы туралы әңгіме қозғады. Өнер ағасы өнердегі інісінің не себепті сахнадан алшақтап кеткенін түсіндірді. Әр өнер иесінің басында түрлі жағдай болады дейді ол.

"Қайрат Түнтековты бәріміз білеміз. Ол керемет әнші. Ол талантты әнші. Өзіндік стилі бар. Даусы бар. Сахнада жарқырап шықты. Жарқырап жүрді. Бірақ бір рет сүрініп кетті. Ол сондықтан да сахнада көрінбей кетті. Оны бәрі естіген шығар. БАҚ-та жарияланды. Қырық күнге отырып келді. Сондықтан көрінбей кетті. Оны ешкім сүріндірген жоқ. Ол өзі сүрінді. Кез келген адам сүрінуі мүмкін. Қайта тұруы мүмкін. Ол енді қайта өнерге келіп жатыр. Шығармашылық адамының тоқырау кезеңі болады. Ондайда өнерден кетті деуге болмайды. Ол қайта келуі мүмкін", - деді Әбдірайымов.

Уәлибек Әбдірайымов: Екі рет тергеу изоляторында отырып шықтым

Уәлибек Әбдірайымов: Жоғарыдағы бір кісіні сахнада сынағанымда адамдары ескерту жасады, енді сынамаймын

Актердің айтуынша, Еркін Нұржанов та, Асқар Жүнісбеков те өнерден кетпеген әншілер. Олар тойдан бұрын өнерге қызмет етеді дейді ол.

"Асқар, Еркіндерді мен талғамы бар әнші деп санаймын. Олар әнді таңдайды. Оларға той әндері келмейді. Сондықтан тойға шықпауы мүмкін. Тойдан табыс таппаған соң, қосымша кәсіп көзін іздеуі мүмкін. Егер бізде арнайы заң қабылдап, фонограммамен ән айтқызбайтын болса, әншілер өздері-ақ іріктеліп шығатын еді. Даусы барлар қалып, қалғаны ығыса беретін еді. Өкінішке қарай ондай жоқ. Бастапқыда айыппұл салып, кейіннен халықты алдап ән айтқаны үшін жауапқа тартса, өнер тазаратын еді", - дейді актер.

Айта кетейік, Қайрат Түнтеков 2013 жылы Алматыдағы арнайы тергеу абақтысында 40 күн отырды. Көлікті куәліксіз, сенімхатсыз және жалған сақтандыру қағазымен жүргізген әнші Land Cruiser көлігімен соқтығысты. Жол талғамайтын көлік иесі жарақат алды, ал әнші жауапқа тартылды.

Талқылау