Тұрғындарға, балаларға оқ атты: Оралдан барған аңшылар БҚО ауылында атыс жасады (видео)

Батыс Қазақстан облысы, Бәйтерек ауданы, Белес ауылында аңшылар мылтықтан оқ жаудырды. Жергілікті тұрғындар оқиға туралы бейнені ұялы телефонның камерасына түсірді.

Оқиға орнына полиция қызметкерлері келіп, қаруды тартып алған.

Оқиға куәгерлері түсірген видео әлеуметтік желілерде таратылды. Онда бір әйел не болып жатқанын түсіндіреді.

«Қаладан екі ер адам келді. Олар орталық дүкеннің жанында оқ жаудырды. Олар адамдарға, осындағы балаларға оқ атты. Құдайға шүкір, ешкім оққа түскен жоқ, бәрі аман-сау» - дейді жергілікті тұрғын.

Полиция бұл фактінің 11 тамызда болғанын растады. Оқиға туралы Бәйтерек аудандық полиция бөлімінің кезекші бөліміне хабарланды.

«Оралдың төрт тұрғыны табиғатқа демалысқа кеткені анықталды. Олардың біреуі аңшылық мылтықты алған. Ер адамдар Оралда және Белес ауылының арасындағы далаға аттанады. Олардың екеуі алкоголь ішіп, банкаға оқ атқан. Содан кейін екі адам алкоголь сатып алуға ауылға барған. Сол жерде олар екі жергілікті тұрғынмен жанжал шығарды. Біреуі машинадан мылтықты алып, жүгіре жөнелген. Біраз уақыт өткен соң адамдар атыс даусын естіді. Ал ауылдың бір тұрғыны ер адамның артынан жүгіріп келіп, мылтықты алып алды. Оқ салдарынан ешкім зардап шеккен жоқ», - деді БҚО полиция департаментінің баспасөз хатшысы Болатбек Белгібеков.

Полиция «Сайга-20» маркалы мылтық тәркіленгенін атап өтті. Меншік иесі үшін Қазақстан Республикасының әкімшілік құқық бұзушылық туралы кодексінің 436-бабының 1-бөлігіне сәйкес (атыс қаруынан, газдан, пневматикалық қарудан оқ ату, пиротехникалық патрондар мен елді мекендерде қолданылатын бұйымдарды шығару) сәйкес әкімшілік хаттама жасалды. Сондай-ақ, қару иесі үшін ҚР әкімшілік құқық бұзушылық туралы кодексінің 484-бабының 1-бөлігіне сәйкес (азаматтық, қызметтік, наградат, жинау қаруы, оның патрондарын сатып алу, беру, тіркеу, сақтау, тасымалдау тәртібін бұзу) әкімшілік хаттама жасалды. Істер аудандық сотқа жолданды.