Күні кеше Майра Мұхамеджанова отандық бағдарламалардың бірінде тұңғышын 20 жыл күткенін айтқан болатын. Енді міне опера әншісі тағы да бір қуанышты жаңалығын бөлісіп жатыр. Ол Айда есімді қызының атынан “Maira-Aida” атты киімдер топтамасын шығарды.

“Құрметті достар, көптен күткен жаңалығымды бөлісуге рұқсат етіңіздер. Айда қызыма деген үлкен аналық махаббатымның арқасында “Maira-Aida” деген бренд жарыққа әрі нарыққа шыққалы отыр. 1-12 жасқа дейінгі қыздар киім үлгісін шығаруға көптен бері ойланып, толғана келе тәуекелге бел байладым.

Фото: yvision.kz

Неге өзіміздің отандық өнімді шығаруға атсалыспасқа? Неге біздің балаларымыз әдемі әрі сапалы, табиғи таза маталардан киінбеске деген оймен іске кірісіп кеттік. Міне алғашқы күз-қыс-2016 топтамасы ертеңгі “Ұлы дала” жәрмеңкесінде көрсетілетін болады. Логотипі мен брендтің атын әлі де ойланып жүрміз. Егер ұсыныстарыңыз болса, айта отырыңыздар”, – дейді Майра Мұхамеджанқызы.

Бүгін Майра xанымның жаңа бастамасына куә болып қайттық. Қазақы нақыштағы балаларға арналған жаңа киім үлгілерін шығарып,үлкен іс бастап кетті👏👏👏 Мұндай ерекше әдемі де сапасы жоғары киімдер xалықтың көңілінен шығатынына сенімім мол. Шын көңілімізбен құттықтаймыз! @mairaopera

Видео опубликовано Молдир (@moldir.mt) Сен 9 2016 в 8:22 PDT

Опера әншісі өздеріне қол үшін созар спонсорлар мен инвесторлардың көмегін қуана қабылдайтындығын жеткізді. Мұнымен қатар, аяқтан нық тұрып алғанша жағымсыз пікір жазбауды өтінді. Аталған брендтің киімдерін жәрмеңкеде Тұрсынбек Қабатовтың қыздары таныстырды. Әнші оларға өз кезегінде алғыс білдірді.

Жіберіп алмаңыз:

Мөлдір Қабатова: Тұрсынбек тереземнің алдында үнді әндерін айтып, би билейтін

Қабатовтың келіншегі қандай құрылыспен айналысып жатқандарын айтып берді

Қабатовтың келіншегі күй тартып жұртты тамсандырды (видео)

Талқылау