Түркияда үйінділер астынан екінші қазақстандықтың мәйіті табылды
Төтенше жағдайлар министрлігі Түркиядағы жер сілкінісінен кейін үйінділер астынан екінші қазақстандықтың мәйіті табылғанын мәлімдеді деп хабарлайды Stan.kz ақпарат агенттігі.
Қазақстандықтар Түркияның Хатай провинциясындағы ғимараттардың бірінде болған. Алайда зілзаладан кейін ғимарат толығымен қирап қалған. 10 ақпанда іздеу жұмыстары кезінде Мирболат Құрмашевтің мәйіті анықталған.
Құтқарушылар қазақстандықты іздеу үшін үйінділер астында арнайы ойық жасап, ішке кірген.
“Бұл ретте құтқарушылар құрылымдық элементтердің қайта құлауын болдырмау үшін тосқауылдарда аз саңылаулар жасауға тырысты, үйіндіде қауіпті учаскелерді бекітті, үйінді бөлшектерін көтеріп, жылжытты”, – делінген министрліктің хабарламасында.
Еске салайық, 9 ақпанда үйінділер астынан тағы бір қазақстандықтың мәйіті табылған еді. Бұл туралы ҚР Сыртқы істер министрлігінің баспасөз қызметі мәлімдеді.
25 мың теңгелік автотұрақ: Көк Төбеде туристер есебінен кім табыс тауып отыр?
Парктің әкімшілік басшысы Фархат Уәлиев парк жұмысына қатысты сын негізсіз екенін айтады
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"