Трамп АҚШ-тың оңтүстік шекарасын жапты
АҚШ президенті Дональд Трамп заңсыз иммигранттар үшін АҚШ-тың оңтүстік шекарасын жабу және оларды депортациялауды күшейтуге бағытталған жарлықтарға қол қойды. Бұл туралы Stan.kz ақпарат агенттігі хабарлайды.
Фото: Reuters.com
Ақ үй жариялаған ресми ақпаратқа сәйкес, Трамп ішкі қауіпсіздік министрлігіне, әділет министрлігіне және мемлекеттік департаментке оңтүстік шекара арқылы шетелдіктердің АҚШ-қа физикалық кіруін дереу тоқтату, репатриациялау және заңсыз иммигранттарды АҚШ-тың оңтүстік шекарасы арқылы елден шығару үшін барлық қажетті шараларды қабылдауды тапсырған жарлыққа қол қойды.
-
ДДСҰ-дан шығу, өлім жазасын қалпына келтіру: Трамп АҚШ-та бірқатар өзгерістер енгізді
-
"Американың алтын ғасыры басталды": Трамптың президент ретінде алғаш сөйлеген сөзі
Сондай-ақ CNN басылымының мәліметінше, Пентагон алдағы уақытта АҚШ-Мексика шекарасына 1,5 мың әскери қызметкер жібермек.
Еске салсақ, 20 қаңтар күні Дональд Трамп АҚШ-тың 47-президенті ретінде ресми түрде қызметіне кіріскен еді. Трамп ұлықтау рәсімінен кейінгі сөзінде оңтүстік шекарада ұлттық төтенше жағдай жариялап, миллиондаған заңсыз иммигрантты еліне қайтаратынын айтты.
"Алдағы 10 жылда мұнай қоры таусылады": Сарапшылар "қара алтынсыз" Қазақстанның болашағы қандай боларын болжады
