"Торпедо" ойыншылары Шымкентте түн тыныштығынан айырылды – матч алдындағы психологиялық қысым болуы мүмкін
Фото: Harbor
UEFA Конференция лигасының бірінші іріктеу кезеңінің қарымта ойыны алдында Грузияның "Торпедо" командасы орналасқан Шымкенттегі қонақүй маңында түнгі уақытта фейерверк атылды, деп хабарлайды Stan.kz ақпарат агенттігі.
Оқиға 17 шілдеге қараған түні тіркелген. Белгісіз біреулер "Торпедо" командасы тоқтаған қонақүй маңында екі мәрте – түнгі 02:00 мен 04:00-де – фейерверк ұйымдастырған.
Бұл футболшылардың тынығуына кедергі келтіріп, ойын алдындағы көңіл күйіне әсер етуі мүмкін.
Кейбір дереккөздердің мәліметінше, тура осындай жағдай бір апта бұрын Кутаисиде да қайталанған – ол кезде грузин жанкүйерлері "Ордабасы" клубы орналасқан қонақүйдің жанында фейерверк атқан.
Еске салайық, алғашқы кездесу 10 шілдеде Грузияда өтіп, "Торпедо" 4:3 есебімен жеңіске жеткен болатын. Қарымта матч бүгін, 17 шілде күні сағат 21:00-де Шымкентте өтеді. Ойынның тікелей көрсетілімі Qazsport телеарнасынан көрсетіледі.
Талқылау
Желіде тілі шықпаған баланы қой ішегімен қылқындырғандардың видеосы тарады: Логопед-дефектолог ырымның үлкен қаупін айтты
Балаға психологиялық әрі физикалық қауіп төнеді
Қазақстандық исламтанушы мигранттардың діни ахуалға әсерін айтып берді
Исламтанушы Қанат Байбосынұлының сөзінше, Сириядан келген мигранттардың басым бөлігі Қазақстанға "Жусан" операциясы арқылы оралды