Төреғалидің туған қарындасына арнаған өлеңі көптің жүрегін елжіретті
Төреғали Төреәлі алғаш рет туған қарындасын көрсетіп, оны туған күнімен құттықтады. Құттықтай келе оған жантебірентерлік өлең жолдарын арнады, деп хабарлайды Stan.kz.
Бұл жолғы жыр шумақтары Төрештің өзінің емес, оның жақын досы, танымал ақын Қайнар Алагөзовтің қаламынан туған. Айта кетейік, Қайнар Алагөзов Төреғалидің талай хит әніне мәтін жазып берген.
Жыр шумақтары қазақ халқының эпостық жырларына ұқсатып жазылған.
Назарларыңызға Төреғалидің өз қарындасы Динаға арнаған өлеңін ұсынамыз.
Өмірлік ұстанымын “Бірлік” еткен,
Бірлесіп ағайынмен тірлік еткен,
Ерте, ерте, ертеде Байқоңырда,
Төкең деген Хан бопты “гүр-гүр” еткен.
Жадырап жымиғаны – нұрлы көктем,
Ойланып айтқан сөзі – құнды неткен.
Аягөздей Ханымы болған екен,
Найзадай кірпіктері “дір-дір” еткен.
Бір күн өткен, ай өткен, бір жыл өткен,
Өткен жыл зымырандай зырғып өткен.
Қос ғашықтың тілеуін Тəңір беріп,
Күттірмей сүйгізіпті ұлды беттен.
Құдайым сүйдіргесін ұлды беттен,
Хан жүрегі сол кезде бір дір еткен.
Ханзаданың ізінен уақыт салып,
Қос арудың күлкісі сыңғыр еткен.
Жалғыз ұлын – Алаштың бұлбұлы еткен.
Үлкен қызын оқуда үлгілі еткен.
Анасының ақ сүтін сарқысын деп,
Бағына “Дина” деген бір гүл еккен.
Қарындасым үкідей үлбіреткен,
Сені сүймей, сүйемін кімді беттен.
Ең кенже ханшайымды туған күнмен,
Құттықттайын деп едім шын жүректен.
Тілегім саған айтар шын журектен:
Жүз жаса, жылдарменен жылжып өткен.
Мамыр мен Еңліктен əдемім-ау,
Бақытты бол Баян мен Қыз Жібектен!
автор: Қайнар Алагөзов
Жіберіп алмаңыз:
Джеки Чан Димаштың суреті бейнеленген футболка киіп жүр (фото)
Бақытбек Есентаев: Баянның опасыздығы үшін ол азаматтың отбасының бұзылғанын қаламадым
Түсірілім кезінде Тәуекел Мүсілім жарты сағат жылап, жұмысты тоқтатты