Күні кеше Шымкент қаласында Төреғали Төреәлінің концерті өтетіні хабарланып, қала тұрғындары әншіні көруге асыққан-ды. Тіпті билет жетпей есіктен сығалап тұруға мәжбүр болғандар да бар. Концерт барысында әке мен бала ән айтып, “ТТТ” маркасымен киім шығарғандарын да жасырмады ,-деп жазған “Отырар” арнасының тілшісі.

Ұйымдастырушылар журналистерді “Рұқсат жоқ” деп залға, сұхбатқа кіргізбеуге тырысқан.

“Қазақстанның әр облысында жеке шығармашылық кешін өткізіп жүрген өнерпаздың өнері бұқара халыққа жергілікті телеарналар мен басылымдар арқылы насихатталатыны белгілі. Тіпті оларды ауылдағы ағайын мен әр өлеңін жаттап алып, ыңылдып айтып жүрген жас толқын телеарна арқылы танитыны анық. Сонымен, ұйымдастырушылармен, басқа да жауаптылармен айтысып жүріп, ішке ендік”, – дейді Отырар арнасының журналисі Махаббат Абдешова.

Жіберіп алмаңыз:

Төреәлі Әлиханов: Әйел адаммен сөз таластырғым келмейді

Есентаева Төреәлінің әдепсіз қылығын жұртқа жайды

“Түркістан” сарайында өткен концертте ине шаншар орын болмаған. Халық әншіні ыстық ықыласына бөлеп, өнеріне тәнті болыпты. Кешті әншінің өзі жүргізген.

Әнші әкесінің қолын босағанын пайдаланып журналистер сұхбат алмақ болған. Алайда Төреәлі мырза журналистердің бұл ықыласын су сепкендей басқан-ды. “Жергілікті телеарнаға сұхбат бермейміз. Қазір біз бір нәрсе айтсақ, даурықтырып әкетесіңдер” деп, қарсы болды. Битке өкпелеп, тонын жаққанға ұқсады “өнерлі әкенің” бұл тірлігі! Халық алдында бір сөйлеп, былай шығып, бір сөйлеген продюсердің бұл сөзі телеарна мен оның көрерменін кемсіткені емес, ең алдымен, өзінің деңгейін көрсетіп бергенін өзі де байқамай қалды-ау, шамасы!? “Ұлық болсаң, кішік бол” деген сөзді айтқан дана қазақтың жігіттері әрекеттері мен айтар сөздерін шамалы ойланып жасап, айтса, бәрі басқа болар ма еді. Жақсы ән тыңдап, сіздерге оның әдемі сәттерін жеткізбек болған ойымыз осылай жүзеге 100 пайыз аспай қалды”, – деп аталған арнаның журналисі әншінің әкесіне деген ренішін жеткізді.

Төреәлі Айдаров мырзаның бұл әрекеті отандық бағдарламалардың біріне сұхбат беремін деп, басының дауға қалғанымен байланысты болса керек. Десе де әрекетінің себебі тек өзіне мәлім.

Талқылау