Тоқтар Төлешовтың екі әйелі оны сотқа берді
Өткен айларда Шымкенттегі Еңбекші аудандық соты Тоқтар Төлешовтың әйелдері Сәуле Сауқымбекова мен Дина Нұрәлиеваның бизнесменнің үстінен түсірген шағымдарын қарастырған. Бұл туралы соттың баспасөз қызметі хабарлайды.
Алайда сот бұл мәселені жеке өмірге қатысты азаматтық тәртіптегі іс деп, ол туралы толық мәлімет беруден бас тартты. Бұған дейін екі әйелінің Төлешовпен некеде болғанын және одан балалары бар екені де жария етілген еді.
Алайда белгілісі Сәуле Сауқымбекованың шағымы бойынша үкім заңды күшіне еніп кеткен. Жақын арада Дина Нұрәлиеваның да шағымы қанағаттандырылуы мүмкін.
Бұған дейін Тоқтар Төлешовке қатысты сот отырысы 10 шілде күні қайта басталған болатын. Оған Қылмыстық кодекстің қаржылық және экономикалық қылмыстарға қатысты баптары бойынша айып тағылмақ. Атап айтқанда, салықтан жалтару, қаржылық және бухгалтерлік есепте жалған мәліметтер беру, сондай-ақ аса ірі көлемде пара беру деректері бойынша.
Оқи отырыңыз:
Қарағанды облысында қоқыс арасынан жаңа туған сәби өлі күйінде табылды
Алматы тұрғыны жігітінің көлігінің сыртына “мен сенен жүктімін” деп жазып кеткен
8,5 миллионды құмар ойынға салып жіберген келіншек өзіне қол жұмсамақ болды
Қазақстандық ене екі келінін татуластыра алмай әлек болып жүргенін айтты