"Президент Қасым-Жомарт Тоқаев ирландиялық Иан Гэрриден басым түскен Шавкат Рахмоновты UFC-дегі кезекті жеңісімен құттықтады", – делінген Ақорданың хабарламасында.

Мемлекет басшысы қазақстандық атлеттің кәсіби спортта жетістіктерге жете беруіне тілектестік білдірді.

Айта кетейік, былтыр Қасым-Жомарт Тоқаев аралас жекпе-жек шебері Шавкат Рахмоновты қабылдап, оны Лас-Вегаста өткен UFC турнирінде жеңісімен құттықтаған еді. Президент Рахмоновтың жеңіске деген ерік-жігері мен жетістігінің жас ұрпақты жігерлендіріп, салауатты өмір салтын ұстануға ынталандыратынын атап өтті.

Спортшы алдағы уақытта да биік белестерді бағындыра беруге тілектестік білдірді. Шавкат Рахмонов Қасым-Жомарт Тоқаевқа алғысын айтып, жанкүйерлердің үмітін ақтап, ел мерейін асқақтата беретінін жеткізді.

"Иә, ол мені қылқындырып тастаған": Рахмоновтың қарсыласы спаррингте жеңіліп қалғанын мойындады

Еске салайық, бұған дейін UFC жекпе-жек шебері Шавкат Рахмонов Лас-Вегаста өткен турнирде ирландиялық Иэн Гэрриді жеңіп, келесі титулға таласу мүмкіндігіне ие болды. 30 жастағы қазақстандық (18-0) пен 27 жастағы ирландиялықтың (15-0) кездесуі UFC 310 турнирінің басты оқиғасы болды. Турнир АҚШ-тың Невада штаты, Лас-Вегас қаласындағы T-Mobile Arena спорт кешенінде өтті. Шавкат Рахмонов пен Иэн Гэрри арасындағы жекпе-жек UFC 310 турнирі аясында өтті. Бұл кездесу 5 раундқа созылып, Рахмонов төрешілердің шешімімен жеңіске жетті.

Талқылау