Тоқаев Пәкістан премьер-министрінің резиденциясына ағаш отырғызып, келіссөз жүргізді
Қасым-Жомарт Тоқаев Пәкістан премьер-министрі Шахбаз Шарифпен шағын құрамда келіссөз жүргізіп, кейін оның резиденциясына ағаш екті. Бұл туралы Stan.kz ақпарат агенттігі хабарлайды.
Қасым-Жомарт Тоқаев Шахбаз Шарифпен өңірлік және халықаралық күн тәртібінің өзекті мәселелері жөнінде пікір алмасты.
“Тараптар соңғы жылдары Қазақстан мен Пәкістан арасында көпжоспарлы ынтымақтастық қарқынды дамып келе жатқанын атап өтті. Сондай-ақ саяси, сауда-экономикалық, инвестициялық және мәдени-гуманитарлық ықпалдастықты нығайтудың перспективті бағыттарын талқылады.
-
Жаңа Конституция бойынша түпкілікті шешімді халық референдумда қабылдайды – Тоқаев
-
Конституция жобасында президенттікке кандидаттарға қойылатын талаптар белгілі болды
Кездесу барысында сауда, көлік-логистика, энергетика, ауыл шаруашылығы, цифрландыру, ғарыш және қаржы салаларындағы қарым-қатынасты тереңдету мәселесіне баса назар аударылды”, – делінген хабарламада.
Қарсы алу рәсімінен кейін Қазақстан Президенті Пәкістан премьер-министрінің резиденциясы аумағында ағаш екті.
Еске салсақ, мемлекет басшысы Пәкістанға мемлекеттік сапармен барғанын хабарлаған едік.
"Төрт жыл бұрын Қазақстан азаматтығын алған": Сарапшы Шарлапаевтың "Атамекен" кәсіпкерлер палатасына тағайындалуын сынға алды
