Туризм, энергетика және зейнетақы саласы: Қазақстан мен Моңғолия қандай құжаттарға қол қойды

Тоқаев Моңғолияға мемлекеттік сапармен барып, бірнеше келіссөзге қол қойды. Бұл туралы Stan.kz ақпарат агенттігі хабарлайды. 

Фото: Ақорда

Екі елдің президенті стратегиялық серіктестік орнату туралы бірлескен декларацияға қол қойды. Содан кейін қол қойылған құжаттарды алмасу рәсімі өтті.

 Қасым-Жомарт Тоқаев барлығы 11 құжатқа қол қойды:

• Қазақста мен Моңғолия арасындағы зейнетақы саласындағы ынтымақтастық туралы келісім;
• Қазақстан мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;
• Қазақстан мен Моңғолия арасындағы авиациялық іздестіру және құтқару саласындағы ынтымақтастық туралы келісім;
• Көлік министрлігі мен Моңғолияның жол және көлік саласын дамыту министрлігі арасындағы автомобиль жолдарын дамыту туралы меморандум;
• Сыртқы істер министрлігі мен Моңғолияның сыртқы істер министрлігі арасындағы 2025-2027 жылдарға арналған ынтымақтастық туралы жоспар;
• Мәдениет және ақпарат министрлігі мен Моңғолияның мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;
• Туризм және спорт министрлігі мен Моңғолияның мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;
• Ауыл шаруашылығы министрлігі мен Моңғолияның азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;
• Ауыл шаруашылығы министрлігі ветеринариялық бақылау және қадағалау комитеті мен Моңғолияның бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;
• Цифрлық даму, инновациялар және аэроғарыш өнеркәсібі министрлігі мен Моңғолияның цифрлық даму, инновациялар және коммуникациялар министрлігі арасындағы ынтымақтастық туралы меморандум;
• Энергетика министрлігі мен Моңғолияның атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.

Еске салсақ, бұған дейін Моңғолия президенті саммитке қатысу үшін Астанаға ұшып келген еді.