Тоқаев Қазақстанның Тайваньға қатысты ұстанымын айтты
Президент Қасым-Жомарт Тоқаев Қытайдың CCTV арнасына берген сұхбатында Қазақстанның Тайваньға қатысты ұстанымын айтты. Бұл туралы Stan.kz ақпарат агенттігі Ақорданың баспасөз қызметіне сілтеме жасай отырып хабарлайды.
Телеарна журналисі Тоқаевтың Тайвань туралы пікірін сұраған.
"Біз бұл әлемдегі барлық адамға айдан анық мәселе деп есептейміз. "Екі Қытай" болмауы керек. Тайвань Қытайдың бір бөлігі болып табылады. Барлық мемлекеттердің аумақтық тұтастығы принципі Біріккен Ұлттар Ұйымының Жарғысында бекітілген. Ереже сақталуы керек”, – деп жауап берді Тоқаев.
Мемлекет басшысы тайвань Қытайдың бір бөлігі екенін бірнеше рет қайталады.
“Бұл қағида Шанхай ынтымақтастық ұйымының декларациясы мен Жарғысында да белгіленген. Сондықтан мен тағы да бір рет атап өткім келеді. Тайвань Қытайдың бір бөлігі. Және бұған еш күмәніміз жоқ", - деді Тоқаев.
Талқылау
"16 жерінен пышақтап, сойып тастаған": Алматы облысында әкесі 15 жастағы қызын қатыгездікпен өлтірді деген күдікке ілінді
Әйелі бухгалтер, ал күйеуі қасапшы болып, бұрындары жұмыс істеген
Қазақстанда тұрғын үйлердің сапасын кім тексереді және өз үйінің қауіпсіз емес екенін білгендер қайда жүгіне алады
Заңгер тұрғын үйдегі ақауларды мүмкіндігінше ертерек құжат жүзінде тіркеудің маңызын атап өтті