Таразда Жаңа жыл қарсаңындағы ірі өрттен кейін төтенше жағдай жарияланды
Фото: Жамбыл облыстық әкімдігі
1 қаңтарда Жамбыл облысының әкімі Ербол Қарашөкеев Тараздың Қарасу (5) шағынауданындағы шатыр өртенген №15 көпқабатты тұрғын үйге барып, тұрғындардың тұрмыстық жағдайларын тексерді. Бұл туралы Stan.kz ақпарат агенттігі хабарлайды.
Әкімдіктің мәліметінше, облыс әкімі өрттің себебін анықтау және залалдың көлемін бағалау үшін арнайы комиссия құрылғанын хабарлады.
"Оқиғаға байланысты нысан бойынша төтенше жағдай жарияланды. Әрбір пәтер үшін залал есептеліп, қалпына келтіру жұмыстары заңнамалық талаптарға қатаң сәйкестікте жүргізіледі. Зардап шеккен барлық тұрғындарға қажетті көмек көрсетіледі", – деді облыс әкімі.
Мердігерлер қазір зақымдалған шатырды алып тастап, қалпына келтіру жұмыстары басталғаны атап өтілді.
Тиісті комиссия бағалауды аяқтағаннан кейін пәтерлерді жөндеу басталады.
"Облыс әкімі ғимарат тұрғындарын оқиғаның салдарын зерттеу жөніндегі комиссия жұмысына тартудың маңызын атап өтті және қалалық қызметтерге жүктелген міндеттерді уақытылы және сапалы орындауды қамтамасыз етуді тапсырды", – делінген хабарламада.
Еске салсақ, Таразда Жаңа жыл түні екі ірі өрт шығып мейрамхана мен тұрғын үйден адамдар эвакуацияланды.
2026 жылдан бастап доллар бағасы мен инфляция қалай өзгереді – Экономистер болжам жасады
