Таразда қаза тапқан құтқарушылардың отбасы 20 млн теңгеден алады
Тараздағы жарылыстан қаза тапқан әрбір құтқарушының отбасына жалпы сомасы 20 млн теңге беріледі. Бұған қосымша сақтандыру төлемдері бар, деп хабарлайды Stan.kz ақпарат агенттігі "Хабар24" арнасына сілтеме жасап.
Төтенше жағдайлар министрі Юрий Ильин "Ұлттық мүдде" бағдарламасының студиясында Ералан Бекхожинмен болған эксклюзивті сұхбатында 2021 жылдың тамыз айының соңында оқ-дәрі қоймасындағы жарылыстарды орындау кезінде қаза тапқан батырларға материалдық көмек көлемі қалай жүргізілетіні жөнінде айтты.
"Болған оқиғаларға байланысты бүгін Үкімет марқұмдардың әр отбасына 10 млн теңгеден аудару туралы шешім қабылдады. Жергілікті бюджет есебінен тағы 5 млн. Біз сонымен бірге бір күндік жалақы жинадық – ол бойынша қызметкерлер өз еркімен шотқа аударым жасады. 5 миллион теңге ҚР Төтенше жағдайлар министрлігі есебінен тапсырды. Сонымен қатар емделуге мұқтаж азаматтарға арнайы көмек жүргізіледі. Мемлекет тарапынан бізде міндетті сақтандыру қаржысы бар ол бойынша – қайтыс болғандардың отбасыларына 60 айлық ақшалай жәрдемақы төленеді. Яғни бұл жерде көптеген нюанстар бар, мұрагерлік құқықты заңды түрде анықтағаннан кейін ғана олар бұл көмекті ала алады", – деді Юрий Ильин.
Еске салайық, 26 тамыз күні кешке Тараз маңындағы инженерлік оқ-дәрілер сақталатын әскери бөлімнің қоймасынан өрт шықты. Өрт салдарынан онға жуық жарылыс болды. Нәтижесінде 100-ге жуық зардап шегуші ауруханаларға жатқызылды, оның 49-ы төтенше жағдайлар министрлігінің қызметкерлері. Жарылыстан 17 адам ажал құшты.
Президент Қасым-Жомарт Тоқаев 29 тамызды Жалпыұлттық аза тұту күні деп жариялаған болатын. Сондай-ақ қорғаныс министрі Нұрлан Ермекбаев отставкаға кетті.