Қазақстандық 73 жастағы қария пара бергені үшін тоғыз жылға сотталды

Фото: Time.kz

Жамбыл облысында зейнеткер лауазымды тұлғаға пара берді деп айыпталып, сот залында 9 жылға сотталды. Бұл туралы Stan.kz ақпарат агенттігі “Время” газетіне сілтеме жасап хабарлайды. 

73 жастағы ақсақалдың ісі Жамбыл облысының қылмыстық істер жөніндегі мамандандырылған ауданаралық сотында қаралды. Талғат Телеуов пен оның күйеу баласы Елімхан Мурадовқа контрафактілік өнім алу үшін пара берді деген айып тағылды. Сондай-ақ бұл іске экономикалық тергеу және мемлекеттік кірістер департаментінің бұрынғы қызметкері Сәкен Үкімбаев та қатысы бар деп айыпталды.

Айыпталушылар шекарада тәркіленген темекі өнімдерін қайтарып алмақ болған. Сот Елімхан Мұрадовты он жылға, Сәкен Үкімбаевты үш жылға бас бостандығынан айырды. 

“Прокурор Мурадов пен Телеуовті 13 жыл, ал Үкімбаевты 3 жылға бас бостандығынан айыруды сұрады. Айыпталушылар өз кінәсін мойындаған жоқ. Судья Анарбаев олардың кінәсі жедел іздестіру шараларының нәтижелерімен, куәгерлердің айғақтарымен, мамандар мен сарапшылардың қорытындыларымен дәлелденгенін мәлім етті. Сондай-ақ Мурадов пен Телеуов қылмысты жасағанда аса белсенді болған. Олардың бұл әрекеттері ауырлататын мән-жайлар ретінде танылды. Ал Үкімбаевтің әрекетінде — өзі қабылдаған антты бұзғаны ескерілді. Телеуовке жаза тағайындау кезінде оның жасы мен денсаулығы ескерілді”, — делінген хабарламада.

Сот отырысы кезінде Талғат Телеуовтың қызы Гауһар Телеуова сөз сөйледі. 

“Әкемнің бірнеше күн бойы қан қысымы 60/40 болды. Ол тіпті тұра алмады. Дәрігерлер оның денсаулығына қатысты қорытынды шығарды. Барлығын сотқа ұсындық. Бірақ судья оған жолсерік жіберді. Әкем мұны көтере алмайды, жүрегі шыдамайды”, – деп жылады Гауһар Телеуова.

Еске салайық, айыпталушылар мен олардың қорғаушылары тергеуді жүргізген сыбайлас жемқорлыққа қарсы іс-қимыл агенттігінің өкілі бірнеше сұрақ қойды. Ең басты сұрақ — сотталушылардан тәркіленген ақша қайда? Себебі Мурадов бұл ақшаны таныстарынан қарызға алған және оны қайтаруы керек. Алайда сыбайлас жемқорлыққа қарсы қызмет өкілдері бұл сұраққа жауап бермеген.

Үкім әлі заңды күшіне енген жоқ. Қорғаушылар апелляциялық шағым түсіретіндерін айтты.