"Сүйектері мен тісі сынған": Астанадағы спорт кешенінде 8 жасар қыздың үстіне шкаф құлап кетті
Фото: threads.com/@maruan_kz
Астанадағы спорт үйірмесінде 8 жасар баланың үстіне шкаф құлап кеткен. Бұл туралы Stan.kz ақпарат агенттігі хабарлайды.
Бұл туралы зардап шегуші баланың анасы Threads желісінде мәлімдеді.
“Менің 8 жастағы балам бассейн секциясына барады. 13 тамыз күні сағат 19:30-да оның жаттығуы болуы керек еді. Мен оны сағат 19:20–19:23 арасында алып келіп, ресепшнге қалдырдым. Ол киініп барып жаттығуға кететінін айтты. (Бұрын өзі барып, киініп, жаттығуға қатысатын.) Сағат 19:25-те мен жаттықтырушыға жазып, қызым келді ме деп сұрадым, бірақ ол жауап бермеді, қоңырауларды да басып тастады. Кейін жаттықтырушы маған аудио жазба жіберіп, "Сіздің балаңыздың үстіне шкаф құлап кетті" деді”, – деп жазды баланың анасы.
Әйелдің айтуынша, қызының үстіне шкаф құлағанын алғаш болып сол маңда жүрген ата-аналардың бірі байқап қалған.
“Мен дереу сол жерге келдім. Көргенім мені шокқа түсірді: менің балам бір әйелдің құшағында отыр, толықтай қанға боялған, ісіп кеткен, тісі сынған. Белгілі болғандай, ол чиптік жүйесі шкафқа жақындап, білезігін сканерлеген, бірақ шкаф ашылмаған. Кейін ол шкафтың тұтқасын тартып қалған секілді, сол кезде шкаф оның үстіне құлаған. Бақытыма орай, баласымен бірге жүрген әйел дыбысты естіп, артқа оралып, жағдайды көріп қалған”, – деп жазды ол.
"Миына екі ота жасалды": Астанада алты жасар қыздың үстіне футбол қақпасы құлап кетті
Әйел баласымен болған жағдайға спорт кешенінің салғырттығын кінәлайды.
“Менің баламның сүйектері сынған, миы шайқалған және тісі түскен. Мұның бәрі спорт кешенінің салғырттығынан. Шкафтар қабырғаға бекітілмеген, ал бұл балалар өздері киінетін бөлме. Ересектерге арналған болса да, нормалар бойынша ол міндетті түрде қабырғаға бекітілуі керек. Мен әлі күнге дейін шок жағдайындамын, мұны барлық ата-аналар сақ болсын деген ниетпен жазып отырмын”, – делінген жазабада.
Қалалық полиция департаменті бұл факт бойынша қылмыстық іс қозғағанын мәлімдеді.
"Қазір сотқа дейінгі тергеу жүргізілуде. Қажетті сараптамалар тағайындалды. Тергеу барысында жауапты тұлғаларға қатысты процессуалдық баға беріледі. Оқиғаға себеп болған және ықпал еткен жағдайларды жою туралы спорт кешені әкімшілігіне ұсыныс жіберілді", – делінген хабарламада.
Полиция спорт нысандарының иелеріне қауіпсіздік талаптарын қатаң сақтау керегін ескертеді. Балаларға жарақат келтірген немқұрайдылық үшін жауапкершілік қарастырылған.
Еске салсақ, бұған дейін Павлодар облысында 6 жасар баланың үстіне футбол қақпасы құлап кеткені үшін ата-анасына айыппұл салынған еді.
АҚШ-та ауыр жарақат алған қазақстандық дзюдошы хал үстінде жатыр: Ағасы емге 270 миллион теңге қажет екенін айтты
