Суперкубок жолындағы Эль-Класико ойыны Реал Мадрид үшін жеңіліспен аяқталды
Каталондық "Барселона" финалда "Реалды" жеңіп, 15-рет Испания Суперкубогының иегері атанды. Бұл туралы Stan.kz ақпарат агенттігі хабарлайды.
Фото: Коллаж Stan.kz
Джиддада (Сауд Арабиясы) Барселона мен Реал Мадрид арасында Испания Суперкубогының финалдық ойыны өтті. Командалар келесі құраммен шықты:
Реал Мадрид – Тибо Куртуа, Лукас Васкес, Антонио Рюдигер, Орельен Тчуамени, Ферлан Менди, Эдуарду Камавинга, Федерико Вальверде, Джуд Беллингем, Родриго, Винисиус Жуниор, Килиан Мбаппе.
Барселона – Войцех Щенсны, Жюль Кунде, Пау Кубарси, Иньиго Мартинес, Алехандро Бальде, Марк Касадо, Гави, Педри, Рафинья, Ламин Ямаль, Роберт Левандовски.
Матчтың 5-минутында алғашқы гол салынды. Әлемнің ең қымбат ойыншысы Винисиус Жуниор қарсыласының қорғанысынан өтіп, допты француз шабуылшысы Килиан Мбаппеге жеткізді. Ол қақпаның сол жақ бұрышына соққы жасап, есеп ашты.
22-минутта Барселона есепті теңестірді. 17 жастағы испандық вингер Ламин Ямаль Польша шабуылшысы Роберт Левандовскиден пас алып, қарсыластарын қапы қалдырып, қақпаның оң жақ бұрышына дәл көздеп, клубтар арасындағы есепті теңестірді.
Бірнеше минуттан кейін каталондықтардың шабуылы кезінде Франция құрамасының жартылай қорғаушысы Эдуардо Камавинга испандық жас жартылай қорғаушы Гавиге қарсы өз қақпасында ереже бұзды. Барселонаға пенальти белгіленіп, ол Роберт Левандовскиге берілді. Поляк футболшысы допты қақпаға бағыттап, гол соқты. Барселона мұнымен тоқтап қалмай 39-минутта Мадрид қақпасына тағы да шабуыл жасады.
Француз қорғаушысы Жюль Кунде допты Реал Мадрид қақпасына оң қапталдан соқты. Ол жерде Бразилия құрамасының вингері Рафинья оны күтіп алып, каталондықтардың үшінші голын соқты.
Қосымша уақытта Барселона командасы тағы да гол соқты. Бұл жолы голды Алехандро Бальде соқты.
Екінші тайм Реал Мадрид қақпасына тағы бір голмен басталды. Шабуылшы Родригоның сәтсіз пасынан кейін "Барселона" бірден қарсы шабуылға шықты. Рафинья Марк Касадодан пас алып, қарсыластың қорғанысын басып өтіп, қақпаға бағыттады. Реал Мадрид ойынын қайта жандандыруға тырысты.
Клубтың шабуылшысы Килиан Мбаппе каталондықтардың қорғанысын айналып өтіп, қақпа аймағына жақындады. Бірақ "Барселонаның" қақпашысы Войцех Щенсный "соңғы шара қолданып”, алаңнан қуылды.
Бразилиялық футболшы Родриго айып добына ие болды. Ол оны Барселона қақпасына соқты. Нәтижесінде кездесу 5:2 есебімен Барселонаның пайдасына шешілді. Осылайша каталондық клуб 15-рет Испания суперкубогының иегері атанды.