Sulpak дүкендер желісінің негізін қалаушылардың бірі көз жұмды
Қазақстандағы Sulpak электроника дүкендері желісінің негізін қалаушылардың бірі Андрей Пак қайтыс болды. Қаралы хабарды оның қызы Светлана жеткізді. Бұл туралы Stan.kz ақпарат агенттігі хабарлайды.
Фото: Facebook/Андрей Пак
"Әкемізді еске алуға арналған мемориалдық кеш", – деп жазды Светлана Пак Instagram парақшасында.
Өмірінің соңғы жылдарында ол Еуропада тұрды. Кәсіпкер бірнеше жыл бұрын Sulpak-тағы үлесін сатып жіберген.
Фото Светлана Пактың желідегі парақшасынан скриншот жасалған
Айта кетейік, Sulpak сауда желісі Қазақстанда 1992 жылы пайда болды. Құрылтайшылары – Алмас Сұлтанғазин және Андрей Пак. Бренд атауы олардың фамилияларының бірінші буындарынан құралған.
Еске салайық, бұған дейін қазақстандық танымал актер, "Құрмет" орденінің иегері Үсіпхан Сейтімбет дүниеден озғанын жаздық. Өнер иесінің қазасын Ғабит Мүсірепов атындағы театрдың баспасөз қызметі хабарлады.
Талқылау
