"Оқжетпес" клубы аграрларды жетекшілік ететін Иван Сауэрдің қолына өтті
"Оқжетпес" футбол клубы енді жеке меншікке көшті. Бұл туралы Stan.kz ақпарат агенттігі хабарлайды.
Бұл шешім ерекше жағдайда жүзеге асты.
Ақмола облысы әкімдігінде өңірлік кәсіби спортты дамыту мәселесіне арналған жұмыс кеңесі өтті.
Отырысқа облыс әкімі Марат Ахметжанов төрағалық етті. Жиында ірі ауыл шаруашылығы кәсіпорындарының өкілдері кәсіби спортқа бизнестің қатысу моделін талқылады.
Енді "Оқжетпес" клубы өңірлік бизнес қолдауымен жаңа басқару моделіне көшеді. Сонымен қатар, облыста кәсіби спортты бюджеттен тыс қаржыландырудың жүйелі тетігі қалыптасады.
Клубты реформалаудың негізгі құралы арнайы құрылған "Оқжетпес" қоғамдық қоры. Қордың құрылтайшысы елімізге белгілі аграрлық саланың өкілі, "Родина" агрофирмасының директоры, Қазақстанның Еңбек ері Иван Сауэр.
Жаңа модельді енгізу мемлекет басшысы Қасым-Жомарт Тоқаевтың кәсіби спортты бюджет есебінен кезең-кезеңімен қаржыландыруды қысқарту тапсырмасына сәйкес жүзеге асырылып отыр.
Айта кетейік, бұдан өзге Астаналық "Жеңіс" клубын Kaspi.kz компаниясының басшысы Михаил Ломтадзе сатып алды. "Шахтер" клубының жаңа иесі – кәсіпкер Тимур Турлов. Петропавлдың "Қызылжар" командасы Сергей Канға тиесілі болды. Ал "Ақтөбенің" жаңа басшысы – Qazaq Stroy компаниясының жетекшісі Нұрлан Артықбаев. Қызылордалық "Қайсар" клубын 30 қазаннан бастап ресми түрде "TAU Group LTD" компаниясының басшысы Исламғали Қозыбақов басқармақ.
"7 миллиард теңгеге жуық": Алматы әкімін қамтамасыз етуге премьер-министрден көп қаржы жұмсалады
