Елена Рыбакина Australian Open финалында әлемнің бірінші ракеткасын жеңді
Фото:instagram.com/australianopen
Қазақстандық теннисші Елена Рыбакина мансабында екінші рет “Үлкен дуылға” турнирін жеңіп алды. Австралия Ашық чемпионатының финалында отандасымыз әлемнің үздік теннисшісі Арина Соболенконы жеңді. Бұл туралы Stan.kz ақпарат агенттігі хабарлайды.
Алғашқы сетте Елена Рыбакина брейк жасап, қарсыласына допты ойынға қосуға мүмкіндік бермеді. Бірінші сетте Рыбакина Соболенконы 6:4 есебімен жеңді.
Фото: instagram.com/australianopen
Екінші сетте спортышлары тең дәрежеде ойнап, сет соңына дейін күресті. Алайда есеп 5:4 болып аяқталды. Осылайша Арина Соболенко бірінші рет Рыбакинаның добын ұстап, сет есебін теңестірді.
Шешуші сетте Соболенко ерте брейк жасап, есепте 3:0 алға шықты. Қазақстандық теннисші Рыбакина есепті теңестіріп, кейін бес гейм қатарынан жеңіп, алдыңғы орынға шықты да, ойынды жеңіспен аяқтады.
- Елена Рыбакина Australian Open турнирінде әлемнің бірінші ракеткасымен чемпиондық атақты сарапқа салады
- Заңғар Нұрланұлы Australian Open Junior турнирінің ширек финалына шықты
Матч 6:4; 4:6; 6:4 есебімен аяқталды.
Барлық қазақстандықтарды тарихи жеңіспен Қазақстан теннис федерациясының президенті Болат Өтемұратов құттықтады.
“Бұл Australian Open Қазақстан үшін тарихи жарыс болды. Үш жасөспірімді қосқанда, біздің ойыншылардың рекордтық қатысуы - ұлттық теннис үшін елеулі жетістік. Елена Рыбакинаның жеңісі оның әлемдік рейтингтің үздік үштіктегі орнын нығайтып, спорттық жолындағы “Үлкен дулыға” турниріндегі екінші титулы болды. Жұптық сында финалға шыққан Анна Данилина және жасөспірімдер арасында Мельбурнда қазақстандықтар арасынан бірінші болып жартылай финалға дейін жеткен Заңғар Нұрланұлы біздің мектептің деңгейі жоғары екендігін көрсетті. Мұндай табыстар жас ұрпақты жігерлендіріп, елде теннистің дамуына тың серпін беретініне сенімдімін. Біздің барлық теннисшілерге халықаралық аренада жаңа жеңістер, тұрақты алға басу және айшықты жетістіктер тілеймін”, – деді Қазақстан теннис федерациясының президенті.
Елена Рыбакинаны тарихи жеңісімен мемлекет басшысы Қасым-Жомарт Тоқаев та құттықтады.
“Қымбатты Елена! Сізді спорттағы кезекті тамаша жетістігіңізбен – теннистен Австралия ашық чемпионатындағы керемет, айқын жеңісіңізбен шын жүректен құттықтаймын! Сіз жеңіске деген ерік-жігеріңіз бен мінсіз шеберлігіңізді тағы да дәлелдедіңіз, бұған бүкіл әлемнің теннис қауымдастығы сүйсіне қарады”, – деп жазды мемлекет басшысы желідегі парақшасында.
Президент спортшыға алдағы уақытта да ең беделді турнирлерде жеңіске жетуге тілектестік білдірді.
Айта кетейік, турнир барысында Рыбакина тұрақты әрі сенімді ойын көрсетіп келеді. Бұған дейін ол словениялық Кайя Юванды (6:4, 6:3), франциялық Варвара Грачёваны (7:5, 6:2), чехиялық Тереза Валентовуды (6:2, 6:3) және бельгиялық Элизе Мертенсті (6:1, 6:3) жеңіп, қарсыластарына бірде-бір сет берген жоқ.
Australian Open 2026 турнирі 18 қаңтар мен 1 ақпан аралығында өтіп жатыр. Жарыстың жалпы жүлде қоры – 74,9 миллион доллар. Турнир жеңімпазы 2 793 365 доллар және рейтингке 2000 ұпай алады.
Бұған дейін 17 жастағы Заңғар Нұрланұлы Australian Open турнирінің жартылай финалына шыққаны туралы жазған едік.
