Синоптиктер “Милтон” дауылы сәрсенбі күні жерге жақындайды деген болжам жасап, 2,4-тен 3,6 метрге дейінгі биіктікте дауылды ескерту жариялаған еді. Дауыл дүйсенбі күні күшейіп, 5-санатқа жетті. Қазір желдің жылдамдығы шамамен сағатына 100 мильге жетті. “Милтон” 2-санаттағы жойқын дауыл болып саналады.

Осыдан екі апта бұрын “Хелен” дауылынан зардап шеккен жергілікті халық енді тағы бір қуатты дауылды бастан өткерді.

Флоридада 2 миллионнан астам үйлер мен кәсіпорындар жарықсыз қалды, ал адамдар үйлерін асығыс тастап кетті.

АҚШ-тың Ұлттық дауыл орталығының мәліметінше, “Милтон” шығыс уақыты бойынша сағат 20:30-да (Астана уақыты бойынша сағат 6:30-да) Сиеста-Кей маңында болған. Сиеста-Кей – Тампа-Бэй метрополитенінен оңтүстікке қарай 100 шақырым қашықтықта орналасқан шағын тосқауыл арал. Онда үш миллионнан астам адам тұрады.

Сонымен қатар, дауылдан бірнеше сағат бұрын Батыс жағалауға соғылған торнадо штаттың басқа бөліктеріне де залал келтірген. Флориданың Атлант жағалауындағы Spanish Lakes Country Club тұрғын үй алабы қатты зардап шекті. Ондағы үйлер қирап, бірнеше адам қаза тапты.

Флорида штатындағы Төтенше жағдайларды басқару бөлімінің директоры Кевин Гутри тұрғындарға "2017 жылғы Ирма дауылынан кейінгі ең үлкен эвакуацияға дайындалып, шұғыл түрде қауіпсіз жерге бару керегін ескерткен еді.

“Милтон” – 2024 жылы АҚШ-та соққан бесінші дауыл болып саналады.

Жексенбіде АҚШ президенті Джо Байден Солтүстік Каролинаға “Хелен” дауылынан зардап шеккендерге көмек көрсету үшін тағы 500 сарбаз жіберілетінін және әскердің жалпы санын 1500-ге жеткені туралы айтты.

Бұл аймаққа федералды көмек ретінде 137 миллион доллардан (104 миллион фунт стерлинг) астам қаржы мақұлданды.

Tornado Spotted near I-75 ,around the city of Weston FL, please stay indoors. #HurricaneMilton pic.twitter.com/LQaVrr83dS
— Luis Villegas (@luis_villegas) October 9, 2024

Талқылау