Android және iOS басқаруымен жұмыс істейтін смартфондарды мамандар сынақтан өткізіп, компьютер арқылы қуаттаудың зияндылығын тексерген. Смартфон USB арқылы жалғанған кезде автоматты түрде белгілі бір мәліметтер легі ауысып кетеді екен. Нақты қандай мәліметтер екені өндірушіге байланысты. Бұл құрылғының атауы мен типі, өндірушінің атауы, сериялық нөмір, құрастыру ақпараты, операциялық және файлдық жүйелер болуы әбден мүмкін.

“Қауіп мынада: Бұл ақпараттарды киберқылмыскерлер оңай пайдаланып, смартфон осылайша иесін бақылауға мүмкіндік беріп қоюы мүмкін. Осы әрекет нәтижесінде құрылғыда байқалмайтын файлдық жүйелерді басқару қосымшалары пайда болып кетуі ықтимал. Пайдалану мәліметі өз орнында қалғанымен, гаджет толықтай өз мүмкіндіктерінен ажырап қалады. Сондықтан бұл қауіпті киберқылмыскерлердің оп-оңай құрылғыға қосымшалар орнатып немесе оларды өшіріп, хабарламалар, суреттер мен видеоларды өшіріп тастауына, мәліметтерді шифрлап тастауына жол береді”, – дейді мамандар.

Компанияның айтуынша қазірдің өзінде смартфонға қол сұққан жағдайлар тіркелген. Мәселен “Қызыл Октябрь” кибертобы құрылғының моделін анықтап, арнайы эксплойт арқылы шабуылға шыққан.

“Мобилді құрылғылардың иелері кәдімгідей зардап шегуі мүмкін. Аталмыш әрекеттерді тіпті кәсіби емес хакерлер де жасай алады”, – дейді “Касперский зертханасындағы” зерттеуші Алексей Комаров.

Талқылау